Futbol lokali
ARA: Gaucci jitkellem lejliet il-vot tal-verdett. Jgħid li Floriana għandhom ikunu dikjarati Champions

Sa għada massimu sal-5.30pm nkunu nafu l-eżodu finali tal-Kunsill tal-MFA li se jiddeċidi permezz ta’ votazzjoni diversi deċiżjonijiet fosthom jekk Floriana hux se jkunu dikjarati Champions jew le ta’ dan l-istaġun. Jkun xi jkun ir-riżultat tal-votazzjoni dan se jħalli riperkussjoni fuq il-futur tal-football Malti l-iktar f’dak li għandu x’jaqsam mal-pika sportiva bejn l-istess Floriana li kienu fl-ewwel post tal-klassifika qabel ma’ waqaf il-kampjonat u Valletta li kienu jinsabu fit-tieni post tliet punti taħthom u meta kien fadal sitt logħbiet għat-tmiem.

Il-Kunsill ta’ għada jibda fl-4.30pm u l-ewwel indikazzjonijiet tal-votazzjoni mistennija jibdew joħorġu għal ħabta tal-5.30pm.

Id-dilettanti tal-football huma mħeġġa jsegwu l-facebook page ta’ TVM Sport għada mill-4.30pm ‘il quddiem għall-aġġornamenti diretti.

Intant illum il-kollega Peter Cossai ħa l-kummenti tal-President ta’ Floriana Riccardo Gaucci u tal-President ta’ Senglea Reuben Debono qabel il-verdett ta’ għada.

 

Miktub minn...
TVM Sport
.