Sport Lokali
ARA: Il-Bandiera Maltija titla’ fi Pyeongchang lejliet il-Logħob Olimpiku tax-Xitwa

Olimpijadi tax-Xitwa 2018: Iktar kmieni llum fil-villaġġ Olimpiku fi Pyeongchang il-Korea t’Isfel itellgħet il-bandiera ta’ pajjiżna f’ċerimonja simbolika li fiha ttelgħu ukoll il-bnadar kollha tal-pajjiżi li se jkunu qed jikkompetu f’dawn l-Olimpijadi li jibdew għada.

Preżenti għaċ-ċerimonja tat-tlugħ tal-bnadar kien hemm ic-Chef de Mission Dr Lucienne Attard, flimkien mal-President tal-Kumitat Olimpiku Malti Julian Pace Bonello. Fi Pyeongchang Malta se tkun rappreżentata minn Elsie Pellegrin li se tikkompeti f’żewġ dixxiplini tal-Iskiing is-Slalom u l-Giant Slalom. Din hi t-tieni darba li Elise Pellegrin se tirrapreżenta lil Malta fil-Logħob Olimpiku tax-Xitwa hekk kif ħadet sehem erba’ snin ilu f’Sochi r-Russja. Pellegrin se tkun fl-azzjoni fis-Slalom nhar it-Tnejn u fil-Giant Slalom nhar l-Erbgħa. Jakkumpanjaw lil Pellegrin ukoll fil-Korea t’Isfel hemm is-Segretarju Ġenerali tal-Kumitat Olimpiku Malti Joe Cassar u d-Direttur tal-Isport Ivan Balzan.

Miktub minn...
Sandro Micallef
Ġurnalist ta' TVM Sport. Isegwi l-Isport lokali u internazzjonali. Jippreżenta l-programm Sports Panorama.
Aħbarijiet Oħra
Tennis

Is-Serb Novak Djokovic ipproduċa waħda mill-aqwa logħbiet tiegħu biex għeleb lil John Isner f’żewġ sets, 6-4, 6-3. Din kienet l-ewwel logħba tagħhom fl-ATP Finals li qegħdin isiru f’Londra, f’tournament li…

Waterpolo

It-tim nazzjonali Malti tal-waterpolo jinsab il-Ġermanja fejn it-Tlieta se jilgħab it-tieni logħba mill-fażi ta’ kwalifikazzjoni tal-League Europa Cup kontra l-Ġermanja, wara t-telfa kontra r-Russja fl-ewwel logħba fil-pixxina nazzjonali. Għal din…

Regatta

Kalkara Regatta Club ħabbru li l-qaddiefa stabiliti William Mifsud u Gilmour Zammit se jkunu qedgħin jaqdfu mal-Club tagħhom. Dawn iż-żewġ qaddiefa għandhom esperjenza twila fil-qdif u bihom mistenni li l-Kalkara…

Żwiemel

Il-Malta Racing Club kellu jħassar il-programm tat-tiġrijiet taż-Żwiemel tal-lum minħabba l-maltemp li għaddej bħalissa minn fuq pajjiżna. Il-MRC mistennija tikkonferma data oħra sabiex isir il-program tal-lum. Intant il-Malta Basketball Association…

Aktar