Futbol internazzjonali
ARA: Il-President ta’ PAOK jinżel jipprotesta mar-Referee b’arma tan-nar

Xeni deplorabbli l-bieraħ filgħaxija f’Tessaloniki hekk kif fi tmiem il-logħba mill-ogħla diviżjoni tal-kampjonat fil-Greċja bejn PAOK u AEK kien hemm invażjoni fil-pitch minn diversi uffiċjali ta’ PAOK jippotestaw mar-referee talli dan ma’ kkonvalidax goal favur PAOK fl-aħħar ħinijiet tal-logħba meta l-iskor kien 0-0. Il-President tal-PAOK li kien wieħed minn dawn li niżel fil-pitch jipprotesta deher li marbut ma’ qaddu kellu saħansitra pistola li deher imissha iktar minn darba waqt li beda jersaq lejn ir-referee.

Dan il-President hu Ivan Savvides u huwa meqjuż bħala wieħed mill-aktar nies sinjuri fil-Greċja b’investimenti fil-portijiet tal-Greċja, f’kumpaniji tat-tabakk u fil-Media. Hu deher nieżel fil-pitch imdawwar bil-bodyguards tiegħu. Fortunatament ma kienx hemm konsegwenzi gravi għajr li l-protesti damu madwar 10 minuti. Intant sagħtejn wara li ntemmet il-logħba waqt il-programm sportiv fuq-televiżjoni tal-Istat kien komunikat li r-referee ddeċida li l-goal ikun konvalidat u ingħatat rebħa ta’ 1-0 lil PAOK.

Dan l-inċident qed ikun investigat mill-Federazzjoni Griega tal-Football. Min naħa tiegħu l-Ministru tal-Kultura u Sport Georgios Vassiliadis fi stqarrija qal li l-filmati tal-President ta’ PAOK jidħol fil-Pitch b’pistola jtappnu l-immaġni tal-Football Grieg u tal-football ewropew.

Miktub minn...
Sandro Micallef
Ġurnalist ta' TVM Sport. Isegwi l-Isport lokali u internazzjonali. Jippreżenta l-programm Sports Panorama.
Aħbarijiet Oħra
Futbol internazzjonali

F’Nyon ittelgħu l-poloz tal-gruppi ta’ kwalifikazzjoni għal-kampjonat ewropew tal-Under 21 tas-sena 2021. It-Team Nazzjonali Malta ttella’ bil-polza sabiex jilgħab fi Grupp 8 flimkien mad-Danimarka, r-Rumanija, l-Ukrajna, l-Finlandja u l-Irlanda ta’…

Futbol internazzjonali

F’Goodison Park, Everton u Watford ħadu punt kull wieħed meta spiċċaw fi dro ta’ 2-2. Kienet logħba li baqgħet indeċiża sal-aħħar u kienu Everton li sabu x-xibka l-ewwel permezz ta’…

Futbol internazzjonali

Bejn illejla u għada tintlagħab l-aħħar ġurnata tal-gruppi tal-UEFA Champions League. Fadal biss 4 postijiet x’jimtlew sabiex ikollna l-kwadru komplet tar-Round tas-16, u għal dawk l-4 postijiet hemm 7 timijiet…

Futbol internazzjonali

Il-winger ta’ Manchester City, Raheem Sterling, akkuża lill-media li hija kompliċi fl-abbużi razzjali li hu u plejers oħra qiegħed ikollhom fil-logħbiet tal-Kampjonat Premier Ingliż. Fil-logħba tas-Sibt kontra Chelsea, fi Stamford…

Aktar