Futbol lokali
FILMAT: Arne Riise bl-ewwel rebħa tiegħu f’Malta ma’ Birkirkara

KAMPJONAT BOV PREMIER 2018/19

Birkirkara…….3

Pieta’…………..0

Birkirkara kisbu d-disa’ suċċess staġjonali wara rebħa komda ta’ 3-0 kontra Pieta’.

Fl-ewwel rawnd kien l-Istripes li għelbu lil Pieta’ bl-iskor ta’ 2-1.

Għaddew biss sitt minuti u l-Istripes kienu żvinturati li ma skorjawx. Kienet ġirja tipika ta’ Michael Mifsud li spiċċat b’xutt ta’ dan tal-aħħar li ġie milqugħ minn Vella sabiex mir-ribawnd kien Luke Montebello li laqat il-mimduda.

U wara li kienu ilhom jippruvaw, Birkirkara marru minn fuq wara 25 minuta logħob. Kien l-akkwist il-ġdid Maurizio Vella li għadda tajjeb lejn Matthew Guillaumier li wara li dar ma’ difensur b’xutt għar-rokna għeleb lil Vella għal 1-0.

Fit-38 minuta kien Montebello li rċieva mingħand Mifsud sabiex ix-xutt fil-baxx tiegħu ġie mxellef għall-korner. Mill-istess korner kien Cain Attard li bir-ras ra l-ballun sejjer għoli.

Fil-ħin mogħti żejjed mir-referi, Pieta’ ħolqu l-ewwel okkażjoni meta xutt ta’ Dylan Agius sab lil Naumowski attent.

Bl-ewwel taqsima tagħlaq b’Birkirkara 1-0 minn fuq.

Fit-62 minuta, azzjoni tajba ta’ Pieta’ bejn Chimezie u Calistus spiċċat bl-eks plejer Karkariż jixxuttja bil-ballun jispiċċa kemm kemm barra.

Minkejja kollox kienu l-Istripes li rduppjaw l-iskor meta kien Bezzina li qassam lil Jorginho li mingħajr ma qagħad jaħsibha xxuttja fil-baxx sabiex għamilhom 2-0.

Birkirkara għamluhom tliet fil-81 minuta meta kellna korner tas-sostitut Clayton Failla u daqqa ta’ ras ta’ Danilo Chapoval li spiċċat fix-xibka.

B’hekk id-direttur sportiv il-ġdid John Arne Riise seta’ jiċċelebra l-ewwel suċċess kemm ilu  ma’ Birkirkara u jittama li t-tim jibqa’ għaddej bl-istess ritmu.

Riżultat Finali: Birkirkara 3 Pieta’ 0

BOV Plejer tal-Logħba kien Matthew Guillaumier ta’ Birkirkara.

Referi kein Mario Apap.

 

Miktub minn...
TVM Sport
.
Aħbarijiet Oħra
Futbol lokali

Ir-referee Għawdxi Mario Apap inħatar bħala l-President il-ġdid tal-Malta Football Referees Association. Hu inħatar waqt laqgħa ġenerali oħra tal-assoċjazzjoni. Ishmael Barbara inħatar bħala Segretarju filwaqt li fir-rwol ta’ Viċi President,…

Futbol lokali

FUTBOL LOKALI Gżira United ippreżentaw l-iskwadra tagħhom għall-istaġun li ġej waqt konferenza stampa li saret ilbieraħ filgħaxija f’post tad-divertiment f’Tas-Sliema. Il-Maroons, li spiċċaw fit-tielet post tal-klassifika kemm fl-istaġun li għadda…

Futbol lokali

Sliema Wanderers ħabbru li akkwistaw lill-plejer mill-Arġentina Juan Cruz Gill. Id-difensur, li għandu wkoll ċittadinanza Taljana, lagħab f’pajjiżna ma’ Valletta u Tarxien Rainbows. Fil-passat, Crus Gill lagħab fil-Premier Division fl-Arġentina…

Aktar