Atletika
Atletika: It-tellieqa Agones 5k tattira ammont sostanzjali ta’ atleti

It-tellieqa Trail Run fuq distanza ta’ 5 kilometri organizzata mill-Agones SFC attirat numru sabiħ ta’ atletli f’tellieqa li hija kkunsidrata bħala waħda barra mill-istaġun tat-tlielaq.

It-Trail Running sar sinonmu mal-klabb tal-Agones.  Sa ftit snin ilu it-trail running kien sport li kien jiġi ppratikat minn ftit dilettanti, li kienu jiltaqgħu biex jiġru u jiskopru l-xenarju ġdid qalb in-natura f’Malta.

Il-Torq 5K Trail Run nżammet ftit il-bogħod mir-raħal xeniku tal-Gudja u wriet kemm dan l-isport qed jikber fil-popolarita. Fost l-atleti kien hemm taħlita ta veterani fit-trail running u kif ukoll uċuħ ġodda f’dan l-isport.

Ir-rebbieħa tat-tellieqa kienu Tara Abdilla u Drew Lang, it-tnejn li huma veterani fit-tlielaq fit-toroq.  Abdilla skopriet it-trail running iktar kmieni din is-sena meta hija ħadet sehem, u rebħet it-titlu globali, fis-serje tat-trail running organizzat mill-istess Agones SFC.   Abdilla kella rebħa komda, meta kellha vantaġġ ta’ 2 minuti u 16 il-sekonda fuq Dzintra Grech, li wkoll kellha staġun tajjeb. Paula Briffa ukoll hija veteran fit-tlielaq fit-triq iżda għada kemm xejn ġdida f’dan l-ambjent.

Drew Lang ma jeħtieġ ebda introduzzjoni fiċ-ċrieki tal-atletika lokali iżda din kienet l-ewwel dehra tiegħu fit-trail running. Lang kellhu kompetizzjoni iebsa minn Pierre Chicco, iżda Lang spiċċa fl-ewwel post, b’distakk ta’ tliet sekondi. It-tielet fuq il-podju kien Natalino Farrugia.

“Trail Running huwa isport li ma jirrikjedix ħafna spejjes. Kul m’għandek bżonn hu par żarbun tajjeb għal dan it-tip ta’ġiri. Dan it-tip ta’ġiri u tlielaq jieħdu in-nies barra mill-istorbju tat-toroq u għal-kwiet fil-kampanja, għalhekk qed naraw żieda fil- parteċipazzjoni,” spjega Warren Muscat, President, Agones SFC. “Kull tellieqa jew avvinment li norganiżżaw qedin naraw uċuħ ġodda. It-trail runs li ngħamlu kull ġimgħa dejjem kjunu mgħamula minn grupp tajjeb ta’ parteċipanti.”

It-Tellieqa Torq  5k kienet appoġġata minn Torq u saret taħt l-awspiċji tal-Malta Amateur Athletics Association.  Il-Premjijiet ġew mogħtija lir-rebbieħa fl-aħħar tat-tellieqa. 

  Irġiel Nisa
1st Drew Lang  (17:51) Tara Abdilla (19:00)
2nd Pierre Chicco (17:54) Dzintra Grech (22:16)
3rd Natalino Farrugia (18:09) Paula Briffa (23:02)

La Salle AC kien ir-rebbieħ globali tal-kategorija tat-timijiet tan-Nisa u Irġiel.

Miktub minn...
TVM Sport
Aħbarijiet Oħra
Atletika

L-atleta Dmitry Voloshin ma ddejjaq xejn li jiġri 50 kilometru maratona f’temperaturi friżati fir-Russja. F’din il-maratona li saret f’Yakutia, Voloshin ġera f’temperaturi ta’ sittin grad taħt iż-żero u dan sabiex…

Atletika

L-ewwel edizzjoni tar-Reġjun Tramuntana Winter Challenge se titella’ nhar il-Ħadd, 20 ta’ Jannar. It-tellieqa ser tibda fit-8 ta’ filgħodu nhar il-ħadd li ġej mill-Ġnejna u mistennija tispiċċa bejn id-9 u…

Atletika

Sa ftit snin ilu  l-isport tat-trail running kien wieħed ftit margħuf, iżda bl-sforzi tal-klabb Agones SFC, dan l-isport kiseb popolarita kbira. Dan intwera min numru ta’ atleti – 240 li…

Atletika

Nhar il-Ħadd 6 ta’ Jannar, il-MAAA organiżżat it-tielet tellieqa fir-Road Running League  għall-istaġun 2018-2019. Din kienet tellieqa ta’ 10km li bdiet u spiċċat f’Buġibba. It-tellieqa tal-irġiel kienet mirbuħa f’mod konvinċenti…

Aktar