Futbol lokali
Balzan il-Ħamis jilqgħu lil Keshla tal-Ażerbajġan fis-6pm fis-Centenary Stadium
Għada fis-Centenary Stadium fis-6pm Balzan jilqgħu lil Keshla tal-Ażerbajġan.
F’konferenza stampa lejliet id-dwell tal-Ħamis tkellmu l-kowċ ta’ Balzan Marko Micovic, d-direttur sportiv Vlad Simovic u l-captain Steve Bezzina.
Semmew kif it-team ilu għal dawn l-aħħar sitt ġimgħat għaddej bit-taħriġ tiegħu, se jilgħabu kontra avversarji iebsin, madankollu se jagħmlu minn kollox biex jitfgħu warajhom tmiem l-istaġun li għadda mill-aktar negattiv u jkomplu javvanzaw f’din il-kompetizzjoni.
Saret referenza għaċ-ċaqlieq fit-team mill-istaġun li għadda bid-duo ex Ħamrun Spartans, il-goalkeeper Steve Sultana u d-difensur Dale Camilleri, ż-żagħżugħ Neil Frendo mingħand Mosta u Riccardo Correa Duarte mingħand Sliema Wanderers, huma fost l-akkwisti l-ġodda, biex jieħdu post players bħal Clive Brincat, Ryan u Paul Fenech li mill-istaġun li għadda ħallew il-klabb ta’ Balzan.
Fil-konferenza stampa t-tliet kelliema tkellmu ukoll dwar it-training camp li t-team għamel ftit tal-ġimgħat ilu fis-Slovenja, fejn ġie deskritt bħala test pożittiv ħafna b’rebħa 4-2 fuq FC Vardar tal-Maċedonja u telfa ta’ 2-1 kontra l-qawwa tat-team Kroat ta’ Rijeka.
Il-kowċ Micovic ikkonferma li għal-logħba tal-Ħamis fis-Centenary Stadium it-team mhux beħsiebu joqgħod jistenna lill-avversarji, imma l-ħsieb huwa li t-team Malti jagħmel il-logħba jikkreja ċ-ċansijiet, mhux biss jipprova jsib ix-xibka iżda ukoll jikseb riżultat pożittiv li jkun jista’ jieħu miegħu l-Ażerbajġan għal-logħba ta’ ritorn.
Balzan kontra Keshla tal-Ażerbajġan il-Ħamis fis-sitta ta’ filgħaxija fis-Centenary Stadium.
Miktub minn...
Rodney Vassallo
Aħbarijiet Oħra
Futbol lokali

Football lokali: Fl-Okażjoni tal-128 sena mit-twaqqif tal-Club tal-Football ta’ St Georgess il-Kumitat preżenti ħaseb biex jfakkar din is-sena bil-kxief ta’ plakka kommemorattiva. Fi ħdan il-Club ta’ St Georges għad hemm…

Futbol lokali

GFA BOV GFL l-1 Diviżjoni SK Victoria Wanderers – Gharb Rangers FC 1-0 78’ (1-0) penalty Predrag Dordevic Kercem Ajax FC – Xewkija Tigers FC 1-1 6’ (1-0) Felipe Augusto…

Futbol lokali

KAMPJONAT BOV PREMIER 2018/19 Gżira United…….3 Mosta …………….3 Għall din il-partita Gżira kienu mingħajr 3 players importanti fit–tim, Amadou Samb imweġġa’,  Haruna Garba u Juan Corbolan sospiżi. Wara 10 minuti…

Futbol lokali

IASC  KAMPJONAT 2018/19 L-1 DIVIŻJONI Floriana Ajax  –   Burmarrad AFC   1-4 Zejtun Red Stars  –   Senglea Youngsters  1-1 Marsa Trinity   –  Cospicua Dynamos    2-1  

Aktar