Bejn seba’ u tmien ġimgħat barra għall-attakkant ta’ Pembroke Luke Montebello

RAPPORT – Rodney Vassallo

Operazzjoni suċċess għall-attakkant internazzjonali Malti ta’ taħt il-21 sena Luke Montebello wara li weġġa u kiser spalltu fid-draw ta’ 2-2 li nhar is-Sibt li għadda Pembroke Athleta kellhom kontra l-ex team tiegħu Tarxien Rainbows.

Minkejja li l-operazzjoni rnexxiet, il-player xorta se jkollu jagħmel bejn seba’ u tmien ġimgħat barra mill-azzjoni.

B’hekk se jitlef l-impenn doppju li t-Team Nazzjonali Malti ta’ taħt il-21 sena għandu fil-jiem li ġejjin mill-Grupp ta’ Kwalifikazzjoni għall-Kampjonat Ewropew kontra l-Latvja nhar il-ġimgħa u kontra l-Moldova it-Tlieta tal-ġimgħa d-dieħla, żewġ logħbiet li se jintlgħabu fil-Hibernians Stadium f’Kordin.

Daqqa ta’ ħarta ukoll għat-team tiegħu Pembroke Athleta bil-kowċ Winston Muscat li b’hekk fil-ġimgħat li ġejjin mhux se jkun jista jiddependi fuq dan l-attakkant ewlieni fl-iskwadra tiegħu, misluf dan l-istaġun mingħand Valletta.

Dan hekk kif Luke Montebello mhux mistenni li jirritorna lura fl-azzjoni qabel l-ewwel jew it-tieni ġimgħa ta’ Diċembru li ġej.

Miktub minn...
Rodney Vassallo
Aħbarijiet Oħra
Futbol lokali

Hamrun Spartans kontra Valletta hi partita li tqanqal memorji kbar għal dawk li jiftakru s-Snin ’80. Il-partita ta’ għada fl-istadium nazzjonali, f’Ta’ Qali, mhux eċċezzjoni. It-tensjoni fit-toroq tal-Ħamrun u tal-Belt…

Futbol lokali

Bejn illejla u għada tintlagħab l-aħħar ġurnata tal-Kampjonat BOV Premier bi programm ta’ seba’ logħbiet, b’erbgħa jintlagħbu llejla u tlieta jintlagħbu għada. Kif tista’ tkun id-dinamika tal-aħħar ġurnata tal-istaġun? Min…

Futbol lokali

Ftit sigħat qabel l-aħħar partita tal-Kampjonat BOV Premier 2018/19, it-tmien kowċis tal-erba’ partiti kruċjali li se jiddeterminaw min jirbaħ it-titlu, min jispiċċa fir-raba’ post u min jiġi relegat, tkellmu u…

Futbol lokali

Birkirkara huma ċ-champions tal-football lokali tan-nisa għat-tielet staġun konsekuttiv wara li bi draw ma’ Hibernians żammew vantaġġ li bih ma jistgħux jintlaħqu iżjed fil-quċċata tal-klassifika. Fil-partita tal-bieraħ fis-Centenary Stadium, it-tfajliet…

Aktar