Futbol lokali
FILMAT: Bidu ħażin għall-Mostin hekk kif ikunu maħsuda minn St Andrews

KAMPJONAT BOV PREMIER 2018/19

Mosta …………..1

St Andrews……3

Victor Tedesco Stadium

St’Andrews akkwistaw l-ewwel tlett punti tal-kampjonat hekk kif għelbu lil Mosta, logħba li kellha l-ewwel taqsima bilanċjata hekk kif kien hemm 45 minuta botta u risposta, biss fit-tieni taqsima St’Andrews għarfu japprofittaw minn bosta żbalji li saru mill-players Mostin biex b’hekk ħargu rebbieħa.

L-ewwel azzjoni tal-partita tasal wara biss erba’ minuti meta xutt mill-viċin jaħbat ma’ idejn il-player Romao bir-referee tal- partita Emanuel Grech isaffar foul mill-hdax -il metru fejn inkariga minnu Atkinson li tefa’ l-ballun fix-xibka wara Andreas Vella.

Ma tlettax -il minuta tasal ir-risposta ta’ Mosta hekk kif azzjoni ferm sabiħa bejn Massimo Sammartino u Renan Abner b’dan ta’ l-aħħar min qadgħa angulata jitfa’ l-ballun fis-saqaf tax-xibka.

Mad-29 minuta St’ Andrews viċin li jmorru fil-vantaġġ meta xutt minn barra l-kaxxa ta’ Amoy Brown il-ballun jaħbat mal- minduda.

Minuta wara għal darba oħra jkunu St’Andrews meta cross ta’ Travis Blagrove lejn Atkinson bil-ballun jaħbat mad-difiża ta’ Mosta u jispiċċa barra.

Tmiem Lewwel Taqsima Mosta 1 St’ Andrews 1

Fit-tieni taqsima tasal l-ewwel azzjoni mat-53 minuta meta azzjoni personali ta’ Amoy Brown baqa’ javvanza tefa l-ballun lejn Butler u mill viċin għamel l-impossibli possibli hekk kif tefa’ l-ballun ferm għoli.

Fit-58 minuta St’ Andrews imorru fil-vantaġġ meta pass fit-tul Brown lejn Atkinson li waħdu quddiem Andreas Vella tefa’ fix- xibka.

75 minuta u St’ Andrews jgħamlu ċert mit-tlett punti hekk kif pass preċiż ta’ Butler lejn Atkinson għat tielet darba personali tefa’ l-ballun fix-xibka wara Vella.

Żewg minuti wara għal darba oħra St’ Andrews ikunu viċin li jkomplu jkabbru l-vantaġġ meta azzjoni personali ta’ Davis Martin jippruva x-xutt tiegħu minn qadgħa angulata bil-ballun jaħbat mal-lasti.

Minuta qabel it tmiem St’Andrews spiċċaw jilagbu b’għaxar players hekk kif il-player Adrian Borg ġie muri t-tieni karta safra.

Riżultat Finali Mosta 1 St’ Andrews 3

Player ta Loghba: Atkinson Kavaughn (St’ Andrews)

Ref: Emanuel Grech.

Miktub minn...
Sandro Micallef
Ġurnalist ta' TVM Sport. Isegwi l-Isport lokali u internazzjonali. Jippreżenta l-programm Sports Panorama.
Aħbarijiet Oħra
Futbol lokali

Il-klabb tal-Kampjonat BOV Premier Senglea Athletic ħabbar li żewġ plejers mill-Arġentina li kienu diġà mal-klabb is-sena l-oħra repgħu ngħaqdu mal-klabb mill-Kottonera. Iż-żewġ plejers huma Matias Garcia u Augusto Casetes.

Futbol lokali

Hibernians għelbu lil Birkirkara fil-finali tas-Super Cup li ntlagħbet ilbieraħ filgħaxija fis-Centenary Stadium bi skor ta’ 3-0. Dan kien l-ewwel unur għal Hibernians wara nuqqas ta’ żewġ staġuni u r-rebħ…

Futbol lokali

Michele Paolucci ta’ Tarxien rebaħ l-ewwel unur tal-istaġun 2018/19 tal-Pejer tax-Xahar ta’ Awwissu. Wara li ngħaqad mar-Rainbows minn ma’ Floriana matul is-suq tat-trasferimenti tas-sajf, il-plejer Taljan ta’ 32 sena li…

Futbol lokali

KAMPJONAT BOV PREMIER 2018/19 Sliema…..0 Gżira……..2 Gżira kisbu t-tieni rebħa fil-kampjonat meta ma sabux xi diffikultajiet partikolari sabiex jegħlbu lill-ġirien Sliema bl-iskor ta’ 2-0. Għal Sliema din kienet l-ewwel telfa…

Aktar