Futbol lokali
BIL-FILMAT: Gżira jġibu draw fl-aħħar sekondi u Justin Haber jinfexx f’bewsa mar-referee Trustin Farrugia Cann

Il-bews xi ħaġa sabiħa. Normalment, bewsa tagħti tifsira ta’ rispett u mħabba bejn xulxin.

Iżda l-bewsa spontanja li saret ilbieraħ fil-partita mill-Kampjonat BOV Premier bejn Hamrun Spartans u Gżira United, mhux żgur qatt rajna bħala fid-dinja tal-Istorja tal-futbol.

Gżira United ġabu d-draw fl-aħħar sekondi tal-partita biex ġiet evitata l-ewwel telfa għalihom f’dan il-kampjonat.

Fost ħafna qbiż fuq il-plejer Conti mill-plejers tal-Maroons, ma setax jonqos li Justin Haber, ex gowlkiper nazzjonali, ġera min-naħa għal oħra tal-pitch u ntefa’ mal-art fuq il-kumplament tal-plejers sħabu.

Ġara li wara ftit sekondi, kif qam bil-wieqfa, l-aktar persuna viċin tiegħu li sab kien ir-referee Trustin Farrugia Cann. Hu deher jaħtfu minn wiċċu b’idejh it-tnejn u jbusu b’saħħtu fuq il-warda ta’ wiċċu, viċin ħafna ta’ xufftejh. Fil-filmat, Farrugia Cann jidher li nħasad sew b’dan il-ġest ta’ Haber tant li deher jersaq lura u anki jkemmex xi ftit wiċċu. L-ingwanti, lejn l-aħħar tal-partita, setgħu kienu maħmuġin ħafna anki għax il-gowlkiper ta’ Gżira għamel erba’ saves kruċjali li ħallihom fil-partita.

Ħafna nies li kienu qed isegwu l-partita ma riedux jemmnu dak li qed jaraw b’għajnejhom tant li kulħadd beda jistaqsi lil xulxin jekk kienx vera dak li kienu għadhom kemm raw.

Jidher li dan l-inċident ma niżilx tajjeb mad-diriġenti ta’ Hamrun Spartans FC, inkluż il-President Nunzio Antignani u d-Direttur Sportiv Gaetano Farrugio, li aktar tard filgħaxija, fuq il-profil tagħhom ta’ Facebook, kitbu li qed jaħsbuha sew għandhomx jirtiraw it-tim mill-Kampjonat. Hamrun komplew allegaw li d-deċiżjonijiet li ħa Farrugia Cann tul il-partita kienu kollha kontra tagħhom.

Każ bħal dan iħalli lil wieħed imħasseb ħafna fuq x’passi kellu jieħu r-referee Trustin Farrugia Cann, jekk iħallix kollox għaddej qisu qatt ma kien xejn, kif filfatt għamel, jew jippenalizza lill-plejer.

Li hu żgur, fir-regolamenti tal-futbol, wieħed ma jistax iċapċap jew jagħmel ġesti ironiċi lejn ir-referee għax jitkeċċa.

M’aħniex ċerti jekk fl-istess regolamenti hemm xi ħaġa favur jew kontra l-bews fil-pitch.

Miktub minn...
TVM Sport
Aħbarijiet Oħra
Futbol lokali

Ir-referee Għawdxi Mario Apap inħatar bħala l-President il-ġdid tal-Malta Football Referees Association. Hu inħatar waqt laqgħa ġenerali oħra tal-assoċjazzjoni. Ishmael Barbara inħatar bħala Segretarju filwaqt li fir-rwol ta’ Viċi President,…

Futbol lokali

FUTBOL LOKALI Gżira United ippreżentaw l-iskwadra tagħhom għall-istaġun li ġej waqt konferenza stampa li saret ilbieraħ filgħaxija f’post tad-divertiment f’Tas-Sliema. Il-Maroons, li spiċċaw fit-tielet post tal-klassifika kemm fl-istaġun li għadda…

Futbol lokali

Sliema Wanderers ħabbru li akkwistaw lill-plejer mill-Arġentina Juan Cruz Gill. Id-difensur, li għandu wkoll ċittadinanza Taljana, lagħab f’pajjiżna ma’ Valletta u Tarxien Rainbows. Fil-passat, Crus Gill lagħab fil-Premier Division fl-Arġentina…

Aktar