BIL-FILMAT – iż-żewg midalji tad-deheb ta’ Charlotte Wingfield u Kevin Moore illum

GSSE 2015_Iżlanda

Żewg midalji tad-deheb oħra għal Malta fl-aħħar ġurnata tal-Logħob għall-Pajjiżi ż-Żgħar tal-Ewropa fl-Iżlanda.

Għal darb’oħra tkun l-Atletika li tati lil Malta s-sodisfazzjon ta’ midalji tad-deheb, mill-ġdid bl-atleti Kevin Moore u Charlotte Wingfield li ukoll rebħu l-ewwel żewġ midalji tad-deheb ghal Malta iktar kmieni fil-kompetizzjoni.

Illum wara nofsinhar, il-Malti Awstraljan Kevin Moore rebaħ id-deheb fil-finali tal-200 metru.

Huwa kiseb ħin tajjeb ta’ 21.54sekondi, Kevin Moore kien diġa rebaħ deheb fil-final tal-400metru nhar il-Ħamis li għadda.

Ftit ħin wara tasal ir-raba deheb għal Malta u t-tieni waħda personali għal Charlotte Wingfield li ġiet l-ewwel fil-finali tal-200metru Nisa, f’ħin ta’ 24.19sekondi.

Suċċess b’hekk għal Malta f’dan l-aħħar jum ta’ Logħob għall-pajjizi ż-Żgħar tal-Ewropa f’Rejkjavik, liema loghob jiġu fi tmiemhom fil-ħin li ġej biċ-ċerimonja tal-għeluq.

Miktub minn...
Rodney Vassallo