Futbol lokali
BIL-FILMAT, UEFA Nations League: Illejla Kosovo – Malta diretta fuq TVM2 fid-20.45

Fi Pristina llejla Malta tilgħab kontra l-Kosovo fit-tielet partita minn Grupp D3 tal-UEFA Nations League.

Malta s’issa għandha punt minn żewġ partiti grazzi għad-draw ta’ 1-1 mal-Ażerbajġan f’Ta’ Qali x-xahar li għadda wara t-telfa ta’ 3-1 fid-debutt mal- Gżejjer Faroe.

Il-Kosovo min-naħa tagħhom għandhom 4 punti u qegħdin fil-quċċata tal-grupp.

Fl-istess ħin ta’ Kosovo – Malta llejla jilagħbu l-Gżejjer Faroe kontra l-Ażerbajġan. Minn hawnhekk intant l-iskwadra Maltija titlaq għal Baku fejn nhar il-Ħadd imiss partita oħra away kontra l-Ażerbajġan. F’Novembru mbagħad iż-żewġ konfronti home mal-Kosovo u l-Gżejjer Faroe.

Għal kontra l-Kosovo, filwaqt li qal li jagħraf il-qawwa tal-avversarji, il-coach tat-team nazzjonali Ray Farrugia wieġħed li t-team se jagħmel miunn kollox biex jikseb mill-inqas punt. Farrugia għandu lid-difensuri Joseph Zerafa sospiż u Ryan Camilleri dubjuż.

Dalgħodu l-iskwadra kellha sessjoni ħafifa ta’ taħriġ, dik li tissejjaħ activation session, mal-performance coach Luca Pagani u taħt għajnejn il-coach Farrugia u l-assistenti tiegħu Branko Nisevic, Charles Sciberras u Ronald Vella. Is-sessjoni saret fil-belt ta’ Mazgit ftit ‘il barra mill-kapitali Pristina.

Il-partita tal-lejla se tintagħab l-Istadium Fadil Vokrri u tintwera diretta fuq TVM2 fid-20:45

Miktub minn...
Peter Cossai
Kap ta' TVM Sport. Isegwi l-Isport lokali u internazzjonali. Isegwi u jirraporta l-football lokali u internazzjonali. Jippreżenta l-programm 90 Minuta.
Aħbarijiet Oħra
Futbol lokali

Enrico Pepe, l-ex fidensur ta’ Floriana u Hamrun Spartans, mil-lum sar plejer ta’ Birkirkara. Id-difensur Taljan iffirma kuntratt ta’ tliet snin. Pepe hu wieħed mill-aqwa difensuri li hawn fil-futbol Malti….

Futbol lokali

It-tliet Viċi Presidenti attwali tal-Malta Football Association reġgħu ġew nominati mill-klabbs u l-Assoċjazzjonijiet Membri biex jikkontestaw l-elezzjoni li se ssir fil-Laqgħa Ġenerali Annwali tal-20 ta’ Lulju. TVM Sport jinsab infurmat…

Futbol lokali

Alfonso Greco, il-kowċ Taljan li fil-passat kien diġà f’Malta, se jirritorna ma’ Sliema Wanderers. Greco mistenni jasal f’Malta matul din il-ġimgħa. Greco, ta’ 51 sena, se jkun qed jieħu post…

Aktar