Futbol lokali
Birkirkara jaħtru lil Andrè Paus bħala l-coach il-ġdid
Jasal Malta dil-ġimgħa

Birkirkara FC għadhom kemm ħabbru fuq is-site uffiċjali tagħhom li ħatru lill-Olandiż Andrè Paus bħala head coach b’effett immedjat.

Il-club qal li Paus għandu jasal Malta fil-jiem li ġejjin u li aktar dettalji jingħataw dil-ġimgħa.

Paus b’hekk se jkun qed jieħu post John Buttigieg li jumejn ilu rriżenja minn coach ta’ Birkirkara.

Il-coach Olandiż diġà għandu rabta ma’ Malta billi ħames staġuni ilu mexxa lil Valletta għat-titlu wara li ħa t-tmexxija tat-team f’nofs staġun. Valletta kienu rebħu l-kampjonat Premier fl-aħħar ġurnata meta għelbu propju lir-rivali Birkirkara biex qabżuhom fl-ewwel post: u baqgħu għaddejin biex ħadu d-double.

Wara Malta, Paus kellu esperjenzi ma’ timijiet f’Ċipru, il-Greċja, u pajjiżu l-Olanda. Huwa possibilment ikun fuq il-bank ta’ Birkirkara nhar is-Sibt li ġej meta l-Istripes jiffaċċjaw lil Balzan ifittxu l-ewwel punti fil-Kampjonat BOV Premier.

Birkirkara kienu wieħed mill-aktar timijijet attivi fis-suq tat-trasferimenti tas-sajf imma minkejja bosta akkwisti mportanti t-team naqas li jsib il-forma meħtieġa u beda l-istaġun b’telfiet ma’ Floriana u Senglea Athletic.

Is-Sibt li għadda l-kumitat tal-club żvela fil-website tiegħu li kien qed jaċċetta r-riżenja ta’ John Buttigieg minn coach wara bidu diffiċli għall-istaġun. Buttigieg kien ħa t-tmexxija tat-team għall-aħħar partiti tal-istaġun li għadda meta Birkirkara kienu għaddejin minn forma ndifferenti li rathom jispiċċaw il-kampjonat fis-seba’ post.

Miktub minn...
Peter Cossai
Kap ta' TVM Sport. Isegwi l-Isport lokali u internazzjonali. Isegwi u jirraporta l-football lokali u internazzjonali. Jippreżenta l-programm 90 Minuta.
Aħbarijiet Oħra
Futbol lokali

KAMPJONAT BOV PREMIER 2019/20 Senglea A…..2 St Lucia……..5 L-ewwel azzjoni tal-partita tara lil Santa Lucia imorru fil-vantaġġ meta freekick ta’ Jamie Zerafa bil-ballun fuq ras Bohrer li tefa’ lejn Corriea…

Futbol lokali

KAMPJONAT BOV PREMIER Birkirkara …………………2 Hibernians…………………1 Birkirkara komplew bir-riżultati pożittivi tagħhom meta f’logħba ferm mistennija huma għelbu lil Hibernians bl-iskor ta’ 2-1. Birkirkara kien għadhom kemm ġabru 14-il punt fl-aħħar…

Futbol lokali

Kampjonat BOV Premier 2019/20 Gudja….0 Balzan…2 Balzan jitilgħu jokkupaw is-7 post tal-klassifika hekk kif irnexxilhom jirbħu lit-team ta’ Gudja. L-ewwel azzjoni tal-partita tasal mas-6 minuti logħob meta pass ta’ Winchester…

Futbol lokali

KAMPJONAT BOV PREMIER 2019/20 Mosta……..2 Ħamrun S…1 Fl-ewwel logħba tas-Sibt fl-Istadium Nazzjonali, Mosta għelbu lil Ħamrun Spartans 2-1, biex b’hekk ħadu rebħa wara żewġ telfiet konsekuttivi. Għal Ciaramella din kienet…

Aktar