Futbol lokali
Birkirkara jiktbu lill-MFA għal erba’ plejers…Jake Grech l-akbar kolp

Birkirkara FC kitbu lill-Malta Football Association u staqsew dwar il-valur tal-parametri ta’ erba’ plejers li bihom se jsaħħu sew l-iskwadra tagħhom għall-istaġun li ġej. Sorsi li għandu TVM Sport viċin il-klabb Karkariż qalulna b’ċertezza li fl-MFA daħlet rikjesta uffiċjali biex jiċċekjaw dwar il-parametri ta’ Jake Grech ta’ Hamrun Spartans, Dale Camilleri ta’ Luxol u Stephen Sultana ta’ Xewkija.

Jidher li l-aktar plejer mistenni fil-klabb Karkariż hu bla dubju Jake Grech, l-istilla ta’ Hamrun Spartans u tat-tim nazzjonali Malti ta’ taħt il-21 sena. Sorsi li għandu TVM Sport jikkonfermaw li Birkirkara diġà għalqu n-negozjati mal-Kumitat tal-Ispartans u ċ-ċifra msemmija hi waħda enormi li Hamrun ma jistgħux jirrifjutaw…aktar minn €120,000.

Jake Grech għandu kuntratt ma’ Hamrun Spartans li jorbtu sal-istaġun 2020/2021. Il-familja tiegħu għandhom konnessjoni speċjali ma’ Hamrun Spartans. Hu jiġi iben Marco Grech, plejer popolari tas-Snin ’80 ta’ Hamrun Spartans u ħu Luca Grech, fl-istess tim preżenti tal-lum.

Fl-eventwalità li jirnexxilhom jakkwistaw dawn l-erba’ plejers, Birkirkara jkomplu jsaħħu l-iskwadra mat-tajjeb li kellhom fl-istaġun li għadda u li issa se jkompluh flimkien mal-kowċ il-ġdid tagħhom, Peter Pullicino.

 

Miktub minn...
Mark Attard
Ġurnalist ta' TVM Sport. Isegwi l-Isport lokali u internazzjonali. Isegwi u jirraporta l-football lokali u internazzjonali. Jippreżenta l-programmi UEFA Europa League Highlights u UEFA Champions League Highlights.
Aħbarijiet Oħra
Futbol lokali

Football lokali: kampjonat BOV tat-tieni diviżjoni: Mġarr Utd qabżu waħedhom fil-quċċata tal-klassifika b’rebħa ta’ 1-0 fuq il-leaders ta’ qabel Birżebbuġa. Il-goal importanti għal Mġarr skurjah Jamie Lee Micallef wara 10…

Futbol lokali

Mosta wkoll se jkunu mmexxija minn coach ġdid meta jiffaċċjaw lil Birkirkara fl-ewwel partita li jmiss tal-kampjonat. Il-club Mosti llum ħabbar li l-kumitat laħaq ftehim mal-coach Taljan Enrico Piccioni biex…

Futbol lokali

F’Durres, l-Albanija: it-team nazzjonali Malti ta’ taħt il-21 sena tilef 2-0 f’partita ta’ ħbiberija maż-żgħażagħ Albaniżi tal-istess eta’. Għall-Albanija l-goals ta’ Hebaj fl-34, u Imeri minn penalty minuta mill-mistrieħ. Fit-tieni…

Futbol lokali

Il-coach tat-team nazzjonali Malti Ray Farrugia trankwill lejlet il-partita kontra l-Kosovo: konxju mill-qawwa tal-avversarji imma konvint li l-players tiegħu se jagħmlu l-parti tagħhom. Malta tilgħab kontra l-Kosovo għada filgħaxija fl-Istadium…

Aktar