Futbol lokali
Birkirkara jirbħu kull unur fil-futbol tan-nisa dan l-istaġun

It-tim tan-nisa ta’ Birkirkara spiċċa l-istaġun 2017/18 bil-kbir meta rnexxielu jkaxkar kull unur li joffri l-futbol Malti. It-Tlieta filgħaxija, it-tfajliet Karkariżi rnexxilhom jirbħu t-Trophy kontra t-tim tal-Imġarr wara l-għoti tal-penalties bl-iskor ta’ 5-4.

Fl-Istadium Ċentinarju, il-kowċ Karkariża Melania Bajada kompliet bil-forma brillanti tagħha fit-tmexxija tat-tim meta rnexxielha tirbaħ il-Kampjonat, it-Trophy u s-Super Cup fl-ewwel staġun tagħha.

L-ewwel azzjoni waslet minn Imġarr meta kellha tkun il-goalkeeper Xuereb ta’ Birkirkara li kienet attenta biex ittajjar il-periklu. Risposta mill-Karkariżi permezz ta’ Farrugia li x-xutt mid-distanza tagħha heżżet il-lasta. Iż-żewġ timijiet spiċċaw id-disgħin minuta bir-riżultat ta’ 1-1, bil-logħba tmur fil-ħin barrani imma l-ebda tim ma rnexxielu jsib ix-xibka biex din il-finali kellha tiġi deċiża bil-penalties. Fit-tieni taqsima Mġarr reġgħu kienu perikolużi meta Micallef pruvat għal ġewwa imma Xeureb salvat. Kien fit-72 minuta li Mġarr fetħu l-iskor. Claudette Xuereb ra x-xutt inizjali tagħha jolqot il-lasta, imma mir-rebound ma ħafritx biex tefgħet lil Imġarr 1-0 minn fuq. Imma appenna għaddew erba’ minuti li Birkirkara m’għamlux l-iskor indaqs. Kien l-auto-goal ta’ Maida Debono li tefgħet il-ballun fix-xibka tagħha stess biex għamlet ir-riżultat 1-1.

Fil-penalties, Birkirkara rnexxielhom jiskurjaw erba’ penalties permezz tal-plejers Gabriella Zahra, Samantha Zarb, Stephania Farrugia u Alishia Sultana biex b’hekk rebħu t-Trophy bl-iskor finali ta’ 5-4 wara l-għoti tal-penalties.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm Kontrattakk.
Aħbarijiet Oħra
Futbol lokali

KAMPJONAT BOV PREMIER 2018/19 GZIRA UTD……..1 B’KARA FC………1 Għal din il-partita l-Maroons kienu taħt it-tmexxija tal-kowċ Jesmond Zerafa li f’dawn l-aħħar ġranet ħa post Darren Abdilla, filwaqt li Naumovski reġa’…

Futbol lokali

KAMPJONAT BOV PREMIER 2018/19 Pieta …..……….0 Balzan.…………3 Fit-tmintax –il ġurnata tal-kampjonat Premier Balzan kisbu tlett punti mportanti wara li għelbu lil Pieta bl-iscore ta’ 3-0 u hija l-ewwel rebħa taħt…

Futbol lokali

MAFA 2018/19 Żurrieq Sunrise saħħew posthom f’ras il-klassifika tat-tieni diviżjoni tal-MAFA meta f’konfront dirett huma għelbu lil Balzan Youths bl-iskor ta’ 2-1. Kienet ġurnata fejn is-Sunrise ġiehom kollox tajjeb minħabba…

Futbol lokali

KAMPJONAT BOV PREMIER 2018/19 FLORIANA……0 QORMI………..1 Ikompli l-mument negattiv ta’ Floriana, telfa mal-Qriema, b’gowl uniku t’Antonio Rozzi fl-ewwel taqsima. Qormi li qasmu l-logħob ma’ Floriana fl-ewwel taqsima, pero fit-tieni taqsima,…

Aktar