Futbol lokali
BOV Premier League: Rebħa komda għal Birkirkara

KAMPJONAT  BOV PREMIER 2019/2020

Birkirkara………….2

Sirens……………….0

Birkirkara reġgħu rritornaw għar-rebħ meta mingħajr xi diffikultà partikolari għelbu lil Sirens bl-iskor ta’ 2-0.

Kien hemm differenza ta’ 11-il punt fil-klassifika bejn dawn iż-żewġ timijiet.

Birkirkara marru fil-vantaġġ fl-10 minuta meta wara kontrattakk immedjat, kien Isaac Ntow li xxuttja b’David Cassar jilqa’ parzjalment bil-ballun jasal għand Federico Falcone li f’lasta vojta tefa’ l-ballun ġewwa.

It-tim minn San Pawl il-Baħar dehru mifxula u dlonk qalgħu t-tieni wieħed fil-25 minuta. Kien Cain Attard li indirizza xutt lejn il-lasta avversarja bil-ballun jaħbat ma’ difensur ta’ Sirens u jqarraq b’David Cassar.

Reazzjoni ta’ Sirens żewġ minuti wara meta xutt ta’ Romario Memezes ġie milqugħ minn Andrew Hogg.

Fis-37 minuta xutt ta’ Wellington għal Sirens spiċċa ferm barra.

Tliet minuti minn tmiem it-taqsima, taħt xita qliel, xutt minn Maurizio Vella għal Birkirkara għadda jħakkek mal-lasta.

Mal-45 minuta kien il-gowlkiper tal-Istripes Andrew Hogg li salva tajjeb xuttijiet konsekuttivi ta’ Memezes u Adeshina.

Bl-ewwel taqsima tagħlaq 2-0 favur Birkirkara.

Fit-53 minuta kien il-gowlkiper ta’ Birkirkara Andrew Hogg li salva b’mod tajjeb daqqa ta’ ras ta’ Adrian Borg.

Fid-69 minuta kien Tarabai li għadda lil Ntow li x-xutt fil-baxx tiegħu kien salvat minn David Cassar.

Lejn l-aħħar tal-logħba, David Cassar salva xutt fil-baxx ta’ Tarabai.

Finalment din kienet ir-raba’ rebħa staġjonali għall-Istripes li tellgħuhom f’nofs il-klassifika. B’kuntrast Sirens ġarrbu t-tielet telfa staġjonali għalkemm wieħed irid jgħid li kellhom rawnd ferm pożittiv.

B’KARA Andrew Hogg, Enrico Pepe, Matthew Guillaumier, Johann Bezzina (Terence Agius 75 min),  Maurizio Vella, Kurt Zammit, Federico Falcone (Michael Mifsud 34 min (Edison dos Santos Tarabai 46 min)), Cain Attard, Caio Henrieque Prado, Oscar Matias Carniello, Isaac Toah Ntow.

SIRENS David Cassar, Ryan Grech (Russell Fenech 89 min), Wellington de Oliveira, Raphael Dos Anjos,  Emmanuel Okoye, Adrian Borg, Abdullahi Ige Adeshina Tagro Yves Yao (Luke Sciberras 70 min), Romeu Pericles Romao, Romario Lucas Memezes, Thiago Espindola de Paula.

Imwissija: Romario Memezes, Emanuel Okoye (S) Matthew Guillaumier, Maurizio Vella  (B)

BOV Plejer tal-partita: Isaac Ntow ta’ Birkirkara.

Referì: Fyodor Zammit.

Miktub minn...
robert busuttil
Ġurnalist ta' TVM Sport. Isegwi l-Isport lokali u internazzjonali. JIkkumenta l-logħob tal-kampjonat Premier. Jippreżenta programm sportiv fuq radju tal-komunita'.
Aħbarijiet Oħra
Futbol lokali

Il-Malta Football Association illum varat proġett ġdid ta’ programm tat-televiżjoni mmirat speċifikament għat-tfal f’dan iż-żmien meta ħafna qedgħin kostretti jqattgu l-ħin tagħhom id-dar. L-għan ta’ dan il-programm bl-isem ta’ ‘Training…

Futbol lokali

Waqt laqgħa permezz ta’ video-conference li saret illum bejn il-UEFA u l-55 assoċjazzjoni membru, fosthom Malta, l-Assoċjazzjoni Ewropeja tal-futbol ħabbret xenarji ġodda dwar id-deċiżjoni jekk u meta l-kampjonati domestiċi fl-Ewropa…

Futbol lokali

Il-COVID-19 qed jaffettwa anke s-settur tal-ekonomija sportiva f’pajjiżna. Huma ftit forsi dawk li jimmaġinaw li fost l-eluf ta’ impjiegi f’riskju li jintilfu f’pajjiżna hemm ukoll diversi impjiegi fil-futbol lokali. Sandro…

Futbol lokali

L-MFA issospendiet il-football kollu f’Malta u Għawdex b’mod indefinit. Id-deċiżjoni ttieħdet mill-bureau tal-assoċjazzjoni li ddiskuta s-sitwazzjoni attwali tal-coronavirus f’telekonferenza bejn il-membri tiegħu llum. Id-deċiżjoni tgħodd anke għall-futsal. L-attivitajiet kollha tal-football…

Aktar