Futbol lokali
BOV GFA Cup Rawnd Preliminari: Jirbħu SKVW u Kerċem fost oħrajn

Fl-ewwel logħba tal-Ħadd, SK Victoria Wanderers kisbu rebħa ta’ tlieta b’xejn kontra Għarb Rangers. Il-Wanderers fetħu vantaġġ ta’ żewġ gowls permezz ta’ konlużjoni ta’ Gabriel Cardona fit-tmintax-il minuta u gowl ta’ Aud-Gustine James Obaje. Il-Wanderers aċċertaw mir-rebħa bit-tielet gowl li wasal fil-wieħed u tmenin minuta permezz ta’ Sam Harland wara free kick ta’ Predrag Dordevic. Qabel tmiem il-partita il-Wanderers setgħu skurjaw tal-anqas gowl ieħor iżda fit-tmienja u tmenin minuta tentativ tas-sostitut Ajibade Adesina spiċċa mal-lasta.

Fl-aħħar logħba minn din il-fażi tal-kompetizzjoni Kerċem Ajax kisbu rebħa ta’ erbgħa bi tnejn wara l-ħin barrani kontra Għajnsielem. Għajnsielem marru fil-vantaġġ b’gowl ta’ Kenneth Mercieca . Kerċem kisbu l-gowl ta’ draw permezz ta’ Pedro Leite Do Canto wara azzjoni ta’ kontra attakk. Fit-tieni taqsima l-partita kienet aktar bilanċjata fejn iż-żewġ timijiet kellhom okkażjonijiet fejn setgħu marru fil-vanatġġ iżda l-iskor baqa m’nbidilx u l-logħba kella tidħol fil-ħin barrani. Fil-ħames minuta logħob tal-ewwel taqsima tal-ħin barrani Kerċem kellhom lil Elton Vella li kien imkeċċi għat-tieni ammonizjoni, iżda Kerċem skurjaw tlett gowls mingħajr risposta minkejja li kienu bi plejer anqas. Fit-tmienja u disgħin minuta Kerċem dawwru r-riżultat favur tagħhom b’gowl ta’ Nathaniel Mercieca u Felipe Augusto De Oliviera kabbar il-vantaġġ bit-tielet gowl li wasal wara erbgħin sekonda logħob tat-tieni taqsima tal-ħin barrani. Pedro Leite Do Canto skorja ir-raba gowl għal Kerċem fil-mija u erbatax-il minuta u żewġ minuti minn tmiem il-ħin barrani Għajnsileem skurjaw it-tieni gowl tagħhom permezz ta’ konklużjoni mill-viċin ta’ Luis Andre De Melo Lima.

Miktub minn...
TVM Sport
.
Aħbarijiet Oħra
Futbol lokali

Hamrun Spartans kontra Valletta hi partita li tqanqal memorji kbar għal dawk li jiftakru s-Snin ’80. Il-partita ta’ għada fl-istadium nazzjonali, f’Ta’ Qali, mhux eċċezzjoni. It-tensjoni fit-toroq tal-Ħamrun u tal-Belt…

Futbol lokali

Bejn illejla u għada tintlagħab l-aħħar ġurnata tal-Kampjonat BOV Premier bi programm ta’ seba’ logħbiet, b’erbgħa jintlagħbu llejla u tlieta jintlagħbu għada. Kif tista’ tkun id-dinamika tal-aħħar ġurnata tal-istaġun? Min…

Futbol lokali

Ftit sigħat qabel l-aħħar partita tal-Kampjonat BOV Premier 2018/19, it-tmien kowċis tal-erba’ partiti kruċjali li se jiddeterminaw min jirbaħ it-titlu, min jispiċċa fir-raba’ post u min jiġi relegat, tkellmu u…

Futbol lokali

Birkirkara huma ċ-champions tal-football lokali tan-nisa għat-tielet staġun konsekuttiv wara li bi draw ma’ Hibernians żammew vantaġġ li bih ma jistgħux jintlaħqu iżjed fil-quċċata tal-klassifika. Fil-partita tal-bieraħ fis-Centenary Stadium, it-tfajliet…

Aktar