Futbol lokali
BOV Premier: Balzan jiġu minn gowl minn taħt u jagħtu tlieta lis-Sliema W.

KAMPJONAT BOV PREMIER 2018/19

Sliema W……1

Balzan……….3

Balzan kellhom jiġu minn gowl minn taħt biex fil-Hibernians Stadium għelbu lil Sliema Wanderers bl-iskor ta’ 2-1. Għal Balzan din kienet is-seba’ rebħa tal-istaġun, biex b’hekk huma laħqu lill-istess Sliema bil-punti, 22.

Fit-12-il minuta l-freekick ta’ Muchardi għal Sliema impenja lil Sultana sabiex dawwar il-ballun f’korner. Fit-43 minuta Galea ta’ Sliema kien attent biex irnexxielu jtajjar ix-xutt devjat ta’ Da Paixao Alves, u mal-ewwel minuta fuq il-ħin regolamentari Cipriott ta’ Balzan resaq l-aktar viċin li jiftaħ l-iskor meta x-xutt tiegħu mid-distanza mesaħ mal-mimduda u spiċċa barra.

Mat-48 minuta deċiżjoni diskuttibli li fl-aħħar sarrfet fil-gowl tal-vantaġġ ta’ Sliema Wanderers meta Matias Muchardi mill-freekick spara ġewwa, bl-assistent referee l-ewwel ixejjer il-bandiera għal offside imma wara diskussjoni mar-referee, il-gowl ġie kkonvalidat biex il-Wanderers fetħu l-iskor. Id-dro ta’ Balzan wasal fid-69 minuta meta mill-korner id-difiża Slimiża m’għarfitx tikklerja, bil-ballun jispiċċa f’saqajn Alfred Effiong li b’xutt fil-baxx tefa’ fir-rokna tax-xibka għal 1-1. Fl-84 minuta Balzan marru għall-ewwel darba fil-vantaġġ. Kien il-korner ta’ De Fiori Mendes li għal darb’oħra Sliema m’għarfux kif itajruh ′il bogħod, bil-ballun reġa’ spiċċa fil-kaxxa ż-żgħira Slimiża, u fl-aħħar Michael Johnson bir-ras tefa’ fix-xibka għal 2-1. Fid-90 minuta t-tim ta’ Balzan għalqu l-logħba meta f’kontrattakk Effiong għadda l-ballun lejn Andrija Majdevac li x-xutt tiegħu għeleb lill-goalkeeper Galea għal 3-1. Reazzjoni ħafifa minn Sliema mat-tieni minuta fuq il-ħin regolamentari meta Muchardi mid-distanza mpenja lil Sultana f’save doppju.

Riżultat finali: Sliema W. 1  Balzan 3

BOV Plejer tal-Logħba: Matias Muchardi ta’ Sliema W.

Referee: Philip Farrugia

 

Miktub minn...
TVM Sport
.
Aħbarijiet Oħra
Futbol lokali

MAFA – Kampjonat L-Ewwel Diviżjoni 2019/2020 Senglea Gunners bdew l-istaġun 2019/2020 tal-MAFA b’mod eċċezzjonali meta kontra kull mistenni għelbu liċ-champions Versity AFC bl-iskor ta’ 3-1. Anke t-tim promoss ta’ Balzan…

Futbol lokali

Claudio Marchisio, l-ex plejer ta’ Juventus u tat-tim nazzjonali tal-Italja, jinsab f’Malta fuq stedina tal-Juventus Club Cuore Bianconero. U filwaqt li jinsab hawn biex jiltaqa’ mal-Juventini Maltin, ma naqasx milli…

Futbol lokali

Diego Venancio ta’ Floriana FC huwa l-BOV Plejer tax-Xahar għal Settembru 2019. L-Attakkant Brażiljan ta’ 26 sena ngħaqad ma’ Floriana minn Senglea Athletic u huwa kontributur ewlieni għall-ambizzjonijiet ta’ Floriana…

Futbol lokali

L-eks plejer ta’ Juventus Claudio Marchisio wasal f’Malta u beda b’sensiela ta’ attivitajiet organizzati mill-Juventus Club Malta Cuore Bianconero u li għandhom ilaqqgħuh ma’ mijiet ta’ Juventini Maltin. Waqt konferenza…

Aktar