Futbol lokali
Kampjonat BOV Premier – illejla Birkirkara – Qormi

Fi tmiem il-ġimgħa jkompli l-Kampjonat BOV Premier b’total ta’ seba’ logħbiet minn Match Day twelve bejn il-ġimgħa u l-Ħadd wara l-waqfa tal-ġimgħa li għaddiet għal-logħbiet mit-Tielet Round tal-FA Trophy.

Tkompli t-taqtiegħa fil-quċċata tal-klassifika bid-duo ta’ leaders Gżira United u Hibernians, it-tnejn fil-quċċata b’sebgħa u għoxrin punt f’konfronti li minnhom fuq il-karta m’għandhomx ifallu li jiksbu punti massimi.

Żewġ logħbiet il-Ħadd fl-Istadium Nazzjonali, hekk kif Gżira jiltaqgħu kontra Mosta, Hibernians jospitaw lit-team tal-qiegħ Senglea Athletic.

Valletta fit-tielet post għandhom l-opportunita li temporanjament jitilgħu fl-ewwel post tal-klassifika għaliex se jilgħabu s-Sibt meta fis-Centenary Stadium fl-erbgħa u kwart jiltaqgħu kontra Tarxien Rainbows.

Il-programm jibda għada l-ġimgħa bid-dwell fis-sebgħa fl-Istadium Nazzjonali bejn Birkirkara u Qormi.

Logħbiet oħra fi tmiem il-ġimgħa jaraw lil St.Andrews jilgħabu kontra Floriana, Ħamrun Spartans jittamaw li jkomplu bil-kampjonat mill-aqwa meta s-Sibt jiltaqgħu kontra l-ġirien Pieta’ Hotspurs u finalment interessanti żgur id-dwell tas-Sibt, it-tieni logħba fl-erbgħa ta’ wara nofsinhar fil-Hibernians Stadium, konfront dirett bejn żewġ teamijiet fin-naħa ta’ fuq tal-klassifika Sliema Wanderers kontra Balzan, żewġ naħat li bħala minimu jittamaw li jkomplu bl-isfida ħarxa li hemm dan l-istaġun bejn diversi teamijiet għall-postijiet fl-Ewropa.

Kampjonat BOV Premier
Stadium Nazzjonali – l-Ġimgħa
7pm – Birkirkara vs Qormi

Centenary Stadium – is-Sibt
2pm – St. Andrews vs Floriana
4.15pm – Tarxien Rainbows vs Valletta

Hibernians Stadium – is-Sibt
2pm – Ħamrun S vs Pieta’ Hotspurs
4pm – Sliema Wanderers vs Balzan

Stadium Nazzjonali – l-Ħadd
2pm – Gżira United vs Mosta
4pm – Hibernians vs Senglea Athletic

Miktub minn...
Peter Cossai
Kap ta' TVM Sport. Isegwi l-Isport lokali u internazzjonali. Isegwi u jirraporta l-football lokali u internazzjonali. Jippreżenta l-programm 90 Minuta.
Aħbarijiet Oħra
Futbol lokali

Birkirkara huma ċ-champions tal-football lokali tan-nisa għat-tielet staġun konsekuttiv wara li bi draw ma’ Hibernians żammew vantaġġ li bih ma jistgħux jintlaħqu iżjed fil-quċċata tal-klassifika. Fil-partita tal-bieraħ fis-Centenary Stadium, it-tfajliet…

Futbol lokali

TVMSport bi pjaċir jista’ jħabbar li l-finali tat-Tazza BOV GFA ta’ din is-sena, għall-ewwel darba fl-istorja tal-kompetizzjoni se tintwera diretta fuq l-istazzjonijiet tal-PBS. Il-finali se tintlagħab fil-Gozo Stadium nhar il-Ħadd…

Futbol lokali

Eku tal-każ ta’ Jude Amin Utulu r-referee li kien sospiż għal għomru minn kull attivita’ fil-football mis-Sotto Kumitat tad-Dixxiplina tar-Referees. Fi żvilupp il-Board tal-appell tal-MFA wara li kkunsidra l-fatti u…

Futbol lokali

Sitt plejers tal-Kampjonat BOV Premier ġew sospiżi partita mill-Kummissarju tad-Dixxipplina tal-Malta Football Association. Dawn huma Cain Attard ta’ Birkirkara FC, Zachary Scerri ta’ Gżira United FC, Nemanja Radojevic ta’ Hibernians…

Aktar