Futbol lokali
BOV Super Cup: nhar l-Erbgħa Hibernians – Floriana
Iċ-champions u r-rebbieħa tat-Trophy għall-BOV Super Cup nhar l-Erbgħa fl-Istadium Nazzjonali fit-3

Hibernians għar-raba’ darba: jew Floriana għat-tieni darba.

Iż-żewġ timijiet attwalment il-ħames u r-raba’ fil-kampjonat nhar l-Erbgħa jiffaċċjaw lil xulxin għall-ewwel unur tal-istaġun tal-football domestiku: il-BOV Super Cup: trofew li l-ebda miż-żewġ clubs ma rnexxielu jgħolli daqs kemm xtaq fit-tnejn u tletin staġun li ilu jintrebaħ. L-aħħar suċċess ta’ Hibernians huwa riċenti: sentejn ilu biss: imma huma kienu telliefa fi tmien finali oħra. U l-unika darba li rebħuh Floriana kienet saħansitra erbgħa w għoxrin sena ilu: id-darba waħda oħra li lagħbu għalih kienu tilfu.

Għaż-żewġ timijiet il-BOV Super Cup hija wkoll opportunita’ biex iqumu fuq saqajhom minn diżappunti riċenti. Floriana għadhom kif ġew eliminati mill-FA Trophy u diġà tilfu d-difiża tal-unur tal-istaġun li għadda: waqt li fi tmiem il-ġimgħa l-aspirazzjonijiet ta’ Hibernians li jżommu t-titlu ta’ champions qalgħu daqqa b’telfa mal-isfidanti diretti Balzan.

Għall-coach Arġentin Nicolas Chiesa se tkun it-tieni ħarġa uffiċjali fuq il-bank Furjaniż wara d-debutt b’rebħa kbira fil-kampjonat fuq Lija. Chiesa ħabbar fil-mikrofonu ta’ TVM Sport li rtira definittivament mill-karriera ta’ player.

Il-BOV Super Cup: Hibernians – Floriana: nhar l-Erbgħa fit-3 ta’ wara nofsinhar fl-Istadium Nazzjonali: bil-ħin barrani u l-penalties jekk ikun hemm bżonn: diretta fuq TVM2.

Miktub minn...
Peter Cossai
Kap ta' TVM Sport. Isegwi l-Isport lokali u internazzjonali. Isegwi u jirraporta l-football lokali u internazzjonali. Jippreżenta l-programm Kontrattakk.
Aħbarijiet Oħra
Futbol lokali

Mosta wkoll se jkunu mmexxija minn coach ġdid meta jiffaċċjaw lil Birkirkara fl-ewwel partita li jmiss tal-kampjonat. Il-club Mosti llum ħabbar li l-kumitat laħaq ftehim mal-coach Taljan Enrico Piccioni biex…

Futbol lokali

F’Durres, l-Albanija: it-team nazzjonali Malti ta’ taħt il-21 sena tilef 2-0 f’partita ta’ ħbiberija maż-żgħażagħ Albaniżi tal-istess eta’. Għall-Albanija l-goals ta’ Hebaj fl-34, u Imeri minn penalty minuta mill-mistrieħ. Fit-tieni…

Futbol lokali

Il-coach tat-team nazzjonali Malti Ray Farrugia trankwill lejlet il-partita kontra l-Kosovo: konxju mill-qawwa tal-avversarji imma konvint li l-players tiegħu se jagħmlu l-parti tagħhom. Malta tilgħab kontra l-Kosovo għada filgħaxija fl-Istadium…

Futbol lokali

It-Taljan Guido Ugolotti huwa l-coach il-ġdid tal-club tal-Kampjonat BOV Premier Floriana. Ugolotti li nħatar għall-kumplament tal-istaġun, jieħu post Luis Oliveira, li min-naħa tiegħu kien ħa post Nicolas Chiesa f’Awwissu wara…

Aktar