Boxing
Boxing: Kubrat Pulev, il-Bulgaru li bies il-ġurnalista, sospiż sa Lulju li ġej

Il-boxer Bulgaru Kubrat Pulev instab ħati ta’ fastidju sesswali wara li bies ġurnalista fuq xufftejha f’Marzu li għadda. Pulev, imlaqqam “The Cobra” bies lill-ġurnalista Jennifer Ravalo wara ġlieda li kellu kontra r-Rumen Bogdan Dinu. Għalkemm Ravalo ma dehritx li ddejqet daqshekk bil-bewsa xejn mistennija tal-Bulgaru, il-kamra tal-aħbarijiet li taħdem magħha kienet ħarġet stqarrija ftit tal-minuti wara fejn qalet li kienet ser tfittex lil Pulev għaliex Ravalo ħassitha ffastidjatha sesswalment.

Fis-smiegħ tal-bieraħ, Kubrat Pulev spiċċa sospiż mill-istat ta’ California u mill-California State Athletic Commission sa Lulju ta’ din is-sena, u barra minn hekk irid jattendi sessjonijiet kontra l-fastidju sesswali u jħallas il-multa ta’ $2,500 qabel ma jkun jista’ jerġa’ jiġġieled f’dan l-istat Amerikan. Fis-smiegħ tal-bieraħ ħareġ ukoll li Pulev mhux biss bies lil Ravalo fuq xufftejha quddiem il-kamera, imma anke qabdilha l-warrani wara li spiċċat l-intervista.

Kubrat Pulev skuża ruħu tal-azzjonijiet tiegħu u matul is-smiegħ kien assistit mill-għarusa tiegħu Andrea li kienet bilqiegħda warajh. Skont l-avukati ta’ Pulev, il-boxer inqabad f’mument fejn tant kien kuntent u ferħan li rebaħ il-ġlieda li ma kkontrollax lilu nnifsu. Huma saħqu li dakinhar, Ravalo ma tantx dehret li ddejqet bil-bewsa, tant li wara ngħaqdet mal-boxer fiċ-ċelebrazzjonijiet li saru filgħaxija.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA
Aħbarijiet Oħra
Boxing

Parteċipazzjoni storika għal tliet boxers żgħażagħ Maltin fl-EUBC Schoolboys Championship li sar fi Tbilisi, il-Ġeorġia. L-atleti membri tal-Federazzjoni Maltija tal-Boxing Cayden Ellul, Dyson Schembri u Bradley Mula kienu akkumpanjati mill-head…

Boxing

Boxing: Wara li Keith Thurman tilef bi split decision kontra Manny Pacquiao, l-Amerikan qed jinsisti li l-ġlieda kellha tintemm fi draw u mhux f’rebħa għall-avversarju tiegħu. Il-ġlieda li rebaħ Pacquiao…

Boxing

Avveniment ieħor ta’ boxing lokali bl-isem ta’ Summer Showdown, għada s-Sibt fil-Paviljun ta’ Kordin, f’Raħal Ġdid mit-8.00pm ‘il quddiem. Diversi boxers kienu preżenti llum fil-preżentazzjoni tal-weigh in Mandy Cortis se…

Boxing

Evan Holyfield, iben l-ex boxer mondjali Evander Holyfield, qal li se jkun qed jaqleb professjonali u jimxi fuq il-passi ta’ missieru. Evan qal dan fi Houston, f’Texas. Il-boxer ta’ 21…

Aktar