Boxing
Boxing: Mike Tyson se jirritorna għal ġlieda ta’ esebizzjoni kontra Roy Jones Jr

L-ex Champion tad-Dinja tal-heavyweight Mike Tyson se jkun qed jirritorna fir-ring għall-ġlieda ta’ esebizzjoni kontra l-ex Champion tal-weight world, Roy Jones Jr.

Il-ġlieda hi skedata li ssir fit-12 ta’ Settembru, f’Los Angeles.

Tyson, ta’ 54 sena, iġġieled l-aħħar fi ġlieda professjonali fl-2005 meta dakinhar kien tilef kontra l-Irlandiż Kevin McBride.

Din kienet is-sitt telfa tul il-karriera kollha, li fiha kellu 58 ġlieda.

Jones, ta’ 51 sena, ilu ma jiġġieled minn meta kien għeleb lill-Iskoċċiż Scott Sigmon fi Frar tal-2018.

Il-ġlieda se jkollha massimu ta’ tmien rawnds u se tintwera diretta fuq l-istazzjonijiet pay-per-view.

Mike Tyson hu l-iżgħar boxer li qatt sar Champion tal-heavyweight ta’ kull żmien meta fl-1986, ta’ 20 sena, għeleb lil Trevor Berbick.

Miktub minn...
TVM Sport