Boxing
Boxing: Tyson Fury – Deontay Wilder, possibbilment għat-tielet darba f’Ottubru li ġej

Iċ-Champion tad-Dinja tal-heavyweight Tyson Fury u l-Amerikan Deontay Wilder jistgħu possibbilment jerġgħu jiġġieldu għat-tielet darba bejniethom f’Ottubru li ġej.

Din l-aħbar taha Frank Warren, il-promoter tal-ġlieda.

Ix-xahar li għadda, Fury għeleb lil Wilder b’knock-out fis-seba’ rawnd fil-ġlieda li saret fl-MGM Grand ta’ Las Vegas biex rebaħ it-titlu mondjali WBC.

Iż-żewġ boxers kienu diġà ġġieldu f’Los Angeles f’Diċembru tal-2018 u spiċċaw fi draw kontroversjali.

Miktub minn...
TVM Sport