Sports Internazzjonali
Brendon Leigh fuq il-Mercedes ikompli jibbrilla fil-Formula 1 Esports

Is-sewwieqa tal-Mercedes kienu dominanti fil-kompetizzjoni tal-Formula 1 Esports f’Londra, ilbieraħ. Għall-kompetizzjoni tal-bieraħ kien hemm ukoll preżenti s-sewwieq tal-Formula 1 Jolyon Palmer u l-prinċipal tat-tim tar-Red Bull Christian Horner. Iż-żewġ sewwieqa tal-Mercedes, Brendon Leigh u Daniel Bereznay kienu l-aħjar, f’kompetizzjoni li fiha daħlu t-timijiet minn din is-sena.

F’Novembru tas-sena li għaddiet, Brendon Leigh ta’ 19-il sena rnexxielu jirbaħ il-kampjonat Esports f’Abu Dhabi, meta dakinhar kienu biss l-individwi li jtellqu kontra xulxin. S’issa, f’dan il-kampjonat, Leigh diġa’ rebaħ tnejn mit-tlett itlielaq u għandu vantaġġ komdu fil-quċċata. L-ewwel tellieqa tal-bieraħ irnexxielu jirbaħ bla nkwiet ta’ xejn, imma fit-tieni waħda kellu battibekk mas-sewwieq tat-Toro Rosso Frederik Rasmussmen għall-ewwel post, fejn anke dehru jmissu lil xulxin fuq it-track. Rasmussen kien jinsab fuq quddiemu, u malli Leigh prova jaqbżu, is-sewwieq tat-Toro Rosso għalaqlu t-triq tant li kien hemm kuntatt bejniethom. Leigh deher frustrat ħafna b’din il-mossa, u fi tmiem mimli tensjoni xorta waħda rnexxielu jidħol fl-ewwel post.

F’dan l-isport hemm disgħa mill-għaxar timijiet li jtellqu fil-Formula 1, kollha minbarra t-tim tal-Ferrari. Fis-17 ta’ Novembru, f’Londra, ser isiru t-tlielaq li jmiss tal-Formula 1 Esports.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm Kontrattakk.
Aħbarijiet Oħra
Sports Internazzjonali

Raġel minn Wisconsin li lagħab €75,000 li Tiger Woods jirbaħ il-Masters, rebaħ xejn inqas minn €1.13-il miljun. Woods kellu jiġi minn wara biex rebaħ l-ewwel titlu tiegħu fl-aħħar 11-il sena,…

Formula 1

Il-bidu eċċezzjonali li kellhom il-Mercedes f’dan l-istaġun tal-Formula 1 mhuwiex biżżejjed sabiex jikkonvinċi lil Lewis Hamilton li għal darb’oħra t-tim Ġermaniż jista’ jirbaħ il-kampjonat tal-kostrutturi. Skont il-Brittaniku, l-istaġun għadu fil-bidu…

Sports Internazzjonali

F’Sao Paolo, il-Brażil, ġiet organizzata tellieqa b’differenza, fejn karozzi ddisnjati apposta tellqu kontra xulxin f’manjiera diversa mis-soltu. Il-karozzi ma kellhomx magni, u allura t-tluq kien minn fuq rampa, u wara…

Formula 1

Il-Brittaniku tal-Mercedes Lewis Hamilton rebaħ il-Grand Prix taċ-Ċina li sar f’Shangai dalgħodu, Grand Prix li kien l-elf wieħed fl-istorja tal-Formula 1. Hamilton qabeż lil Bottas li kellu l-Pole u qatt…

Aktar