Futbol internazzjonali
Carragher jobżoq lill-familja f’karozza wara t-telfa ta’ Liverpool u jkun sospiż minn Sky Sport

L-Eks player Internazzjonali ingliż u eks player ta’ Liverpool Jamie Carragher jinsab fiċ-ċentru ta’ kontroversja hekk kif kien iffilmjat jobżoq minn ġol-karozza tiegħu lejn karozza oħra li fiha kien hemm allegatament partitarji ta’ Manchester United li bdew jizzikawh għal diversi drabi.

Fil-filmat Carragher jidher jobżoq fil-karozza li kienet qed tinstaq bisiet tiegħu u wara li raġel instema’ jgħid “Jamie, Jamie 2-1, 2-1 Jamie” u beżaq fid-direzzjoni tal-karozza li fiha jidher kien hemm familja sħiħa inkluż tifla ta’ 14 -il sena. L-inċident seħħ wara r-rebħa ta’ Manchester United fuq Liverpool tas-Sibt li għadda.

Wara dan l-inċident Carragher kien sospiż minn Sky Sport u għalissa mhux se jitħalla jagħmel ebda kummentarju tekniku ta’ ebda logħba u l-anqas mhux se jitħalla jidher f’ebda programm sportiv ta’ Sky Sport.

F’intervista fuq l-istazzjon Sky News Carragher ametta li żbalja u talab skuża għal għemilu. Hu qal li ċempel ukoll lil din il-familja u talab apoloġija formali.

 

Miktub minn...
TVM Sport
.
Aħbarijiet Oħra
Futbol internazzjonali

Ahmed Hussein-Suale, ġurnalist sportiv mill-Ghana, inqatel fis-sigħat li għaddew bi tliet tiri, fil-Belt Kapitali Accra. Suale kien fi triqtu lejn id-dar wara ġurnata xogħol. Suale kien membru tal-investigaturi privati ‘Tiger…

Futbol internazzjonali

It-tim Franċiż t’AS Monaco ppreżenta l-akkwisti tiegħu matul dan is-suq tat-trasferimenti, li jinkludu lill-Ispanjol Cesc Fabregas. It-tim immexxi minn Thierry Henry qiegħed ifittex li jkollu t-tieni round ħafna aħjar mill-ewwel…

Futbol internazzjonali

Juventus rebħu l-edizzjoni ta’ din is-sena tas-Super Coppa taljana meta fil-finali li ntlagħbet fil-King Abdullah Sports City fl-Arabja Sawdija f’Ġedda rebħu 1-0 kontra Milan. Il-Match winner kien Cristiano Ronaldo meta…

Aktar