Futbol internazzjonali
Championship Play-Offs: Aston Villa l-ewwel tim fil-finali, illejla Leeds UTD kontra Derby County

West Bromwich Albion 1  Aston Villa 0 (agg. 2-2) (3-4 ap)

Aston Villa huwa l-ewwel tim li wasal sal-finali taċ-Championship play-offs hekk kif għelbu lill-West Bromwich Albion bil-penalties. Wara li fl-ewwel leg il-Villians kienu ħarġu rebbieħa bl-iskor ta’ 2-1, fit-tieni leg kienu l-West Brom li spiċċaw minn fuq sad-90 minuta. Il-gowl kien skurjat man-nofs siegħa logħob minn Dawson u hekk baqgħu sat-tmiem. WBA kellhom jilagħbu madwar 40 minuta bi plejer inqas, meta fit-80 minuta Brunt tkeċċa għat-tieni karta safra u allura anke n-nofs siegħa żejda kellhom jilagħbuha b’għaxar plejers. Il-logħba marret fil-ħin barrani, bl-aggregate jibqa’ 2-2 u allura kellhom ikunu l-penalties li jiddeċiedu r-rebbieħa.

Fl-għoti tal-penalties, WBA xejn ma bdew tajjeb meta Holgate u Hegazy it-tnejn fallew. Fuq in-naħa l-oħra Hourihane u Jedinak skurjaw għall-Villa biex sa dak il-ħin kienu 2-0. Adarabioyo, Gibbs u Morrison skurjaw għall-West Brom, filwaqt li Abraham skorja għal Aston Villa u Adomah falla, biex b’hekk il-Villians skurjaw gowl aktar u għaddew għall-finali.

 

Leeds UTD – Derby County (agg. 1-0)

Illejla jintlagħab it-tieni leg tat-tieni semifinali tal-play-offs, meta Leeds United jilqgħu f’darhom lid-Derby County. Fl-ewwel leg il-Leeds kienu ħarġu rebbieħa bl-iskor ta’ 1-0 u allura llejla ser ikomplu jippruvaw jibnu fuq dak ir-riżultat sabiex jilagħbu kontra Aston Villa fil-finali. Il-logħba tal-lejla tibda fid-20:45.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA
Aħbarijiet Oħra
Futbol internazzjonali

Il-plejer ta’ Sporting Lisbon, Bruno Fernandes, jista’ jagħti l-każ li xorta jħalli lit-tim Portugiż sa tmiem dan is-suq tat-trasferimenti. Wara d-diżappunt li la rnexxielu jingħaqad ma’ Manchester United u lanqas…

Futbol internazzjonali

Daniel Sturridge ngħaqad mat-tim Tork ta’ Trabzonspor b’kuntratt ta’ 3 snin. L-ex Liverpool ħabbar dan fuq il-paġna tiegħu ta’ Twitter l-Erbgħa waranofsinhar fejn ser ikun qiegħed jaqla’ paga ta’ madwar…

Futbol internazzjonali

Roma mistennija jiffirmaw lid-difensur laterali Davide Zappacosta fis-sigħat li ġejjin. Dan wara li l-istess klabb, permezz tal-paġna ta’ Twitter, tella’ ritratti fejn indika li Zappacosta jinsab f’Ruma. Il-plejer Taljan ingħaqad…

Futbol internazzjonali

Il-midfielder Franċiż Franck Ribery huwa mistenni jingħaqad ma’ Fiorentina fis-sigħat li ġejjin wara li d-diskussjonijiet bejn il-klabb u l-plejer jinsabu fi stadju avvanzat. Fil-preżent Ribery huwa plejer liberu wara li…

Aktar