Futbol internazzjonali
Championship Play-Offs: Derby County jaħsdu lil-Leeds UTD f’Elland Road u issa jilagħbu fil-finali kontra Aston Villa

Leeds UTD 2 Derby County 4 (agg. 3-4)

Derby County għamluha għall-finali taċ-Championship Play-Offs meta marru Elland Road u ħasdu għalkollox lit-tim tal-Leeds United meta rebħulhom bl-iskor ta’ 4-2 u b’hekk għaddew b’aggregate ta’ 4-3. Fl-ewwel leg kienu l-Leeds li ħarġu rebbieħa 1-0, imma lbieraħ filgħaxija l-istorja kienet totalment differenti.

Leeds bdew tajjeb ħafna tant li fl-24 minuta fetħu l-iskor permezz ta’ Dallas biex sa dak il-ħin l-aggregate kien ta’ 2-0. Imma għalkemm barra minn darhom, Derby ma qatgħux qalbhom u eżatt qabel il-mistrieħ ġabu l-iskor indaqs meta Marriott sab ix-xibka wara li kien ilu biss minuta fil-grawnd għaliex daħal bħala sostitut. Riżultat ta’ 1-1 sal-mistrieħ, b’Leeds United 2-1 minn fuq bl-aggregate.

Eżatt mal-ftuħ tat-tieni taqsima Derby County ħasdu lill-avversarji għax wara ftit sekondi Mount tefa’ fix-xibka u għamel l-iskor 2-1 għad-Derby, b’aggregate ta’ 2-2. U biex il-logħba tmur mill-ħażin għall-agħar għal-Leeds, huma spiċċaw 3-1 minn taħt fit-58 minuta meta Wilson skorja mill-11-il metru u b’hekk l-aggregate sar 3-2 favur Derby. Dallas reġa’ sab ix-xibka għal-Leeds fit-62 minuta biex għamel l-iskor 3-2, aggregate ta’ 3-3, imma t-tim t’Elland Road spiċċaw jilagħbu b’10 meta Berardi tkeċċa fit-78 minuta bit-tieni karta safra. Derby County approfittaw mis-superjorità numerika tant li fil-85 minuta żiedu ieħor meta kien Marriott li reġa’ sab ix-xibka u għamel l-iskor 4-2, għal aggregate ta’ 4-3. Anke Derby spiċċaw il-logħba b’għaxar plejers meta fl-ewwel minuta fuq il-ħin regolamentari Malone dabbar it-tieni safra u mar fid-dressing room ftit minuti qabel sħabu.

Issa Derby County jiltaqgħu kontra Aston Villa fil-finali taċ-Championship Play-Offs bir-rebbieħ ikun promoss għall-Premier League fl-istaġun li ġej.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA
Aħbarijiet Oħra
Futbol internazzjonali

Wolves 1  Manchester United 1 Mill-Kampjonat Premier Ingliż, Wolves ħadu t-tieni draw minn daqstant logħbiet meta f’darhom ġew 1-1 ma’ Manchester United. Kienu r-Red Devils li marru fil-vantaġġ mas-27 minuta…

Futbol internazzjonali

Brescia ippreżentaw uffiċjalment lill-attakkant internazzjonali Taljan Mario Balotelli li se jkun qed jirritorna jilgħab fl-Italja wara nuqqas ta’ tliet snin. Fl-intervent tiegħu, il-plejer ta’ 29 sena qal li jinsab kalm…

Futbol internazzjonali

FUTBOL INTERNAZZJONALI Bayern Munich għadhom kemm akkwistaw b’self mingħand Barcelona lill-attakkant Brażiljan Philippe Coutinho. Hekk kif ġie ppreżentat lill-mezzi tax-xandir Ġermaniżi, Coutinho deher ferm ħerqan sabiex jibda din l-avventura ġdida….

Futbol internazzjonali

Il-kowċ ta’ Real Madrid Zinedine Zidane qal li Gareth Bale ser jibqa mal-Madrileni dan wara li huwa pproduċa wirja tajba sabiex Real għelbu lil Celta Vigo bl-iskor ta’ 3-1. Wara…

Aktar