Futbol internazzjonali
Chiellini jispiċċa juri aktar milli kien mistenni minnu

Wara li l-Ħadd filgħaxija Milan spiċċaw megħluba minn Juventus fil-Giuseppe Meazza, iż-żagħżugħ Raoul Bellanova xtaq li jieħu ritratt mal-idolu tiegħu Cristiano Ronaldo. Bellanova xejn ma ddejjaq li jieħu ritratt mal-Juventin avolja t-tim tiegħu kien għadu kif tilef 2-0 u spiċċa anke bi plejer anqas matul id-90 minuta.

Biss kultant, meta tieħu ritratt, trid toqgħod attent x’ikun qiegħed jiġri warajk, u sfortunatament għal Bellanova, ir-ritratt ta’ rikordju ma’ Ronaldo spiċċa mxerred fuq il-midja soċjali għal raġuni li m’għandha xejn x’taqsam mal-futbol. Fuq wara tar-ritratt tidher id-dressing room li fiha kien hemm it-tim ta’ Juventus, bil-captain Giorgio Chiellini għarwien ħuta, li ma kienx qiegħed jagħti kas li hemm min qiegħed jieħu r-ritratti.

Iż-żagħżugħ Bellanova kellu jiskuża ruħu fuq Instagram għaliex qabad u tella’ r-ritratt li fih ġibed aktar affarijiet milli kien mistenni. Bellanova qal li lanqas biss ta kas li fl-isfond kien hemm Chiellini għarwien, u skuża ruħu mal-captain Juventin talli perrċu quddiem kulħadd. Bellanova anke skuża ruħu mal-partitarji ta’ Milan, fejn ikkonferma li kienet ħolma tiegħu li jieħu dak ir-ritratt ma’ Ronaldo, imma li sfortunatament kellu jieħdu wara telfa ta’ 2-0 għat-tim tiegħu.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm Kontrattakk.
Aħbarijiet Oħra
Futbol internazzjonali

Il-midfielder ta’ Arsenal Henrikh Mkhitaryan, mhux se jivjaġġa lejn l-Ażerbajġan għall-finali tal-UEFA Europa League kontra Chelsea. Il-partita se tintlagħab f’Baku u l-klabb ta’ Londra ddeċieda li jieħu din id-deċiżjoni fuq…

Futbol internazzjonali

Ftit tal-jiem ilu ġie mniedi d-dokumentarju “Diego Maradona,” li jitfa’ dawl dwar il-ħajja ta’ dan l-istilla Arġentin mal-familja tiegħu u mal-plejers sħabu. Dan id-dokumentarju li kien imniedi f’Cannes nhar il-Ħadd…

Futbol internazzjonali

Lazio…….3 Bologna…3 Fl-Olimpico, Bologna ħadu d-draw li kellhom bżonn biex isalvaw dan l-istaġun meta ġew 3-3 kontra l-Lazio. Kienu Lazio li fetħu l-iskor mal-kwarta logħob permezz ta’ Correa u hekk…

Futbol internazzjonali

L-Eks midfielder internazzjonali Malti André Schembri, mistenni jħalli lil Apollon Limassolta’ Ċipru. Dan ikkonfermaħ il-player innifsu. Matul l-aħħar sentejn Schembri, f’Ċipru hu skurja 13-il gowl f’66 logħba. u lagħab ukoll fl-Europa…

Aktar