Ċikliżmu
Ċikliżmu: Egan Bernal jirbaħ it-tellieqa minn Pariġi sa Nizza

Egan Bernal ta’ Team Sky irnexxielu jirbaħ it-tellieqa minn Pariġi sa Nizza wara li fi tmiem il-ġimgħa spiċċa fl-ewwel post tal-klassifika ġenerali. Huwa kellu sfida qawwija mill-kompatrijott tiegħu Nairo Quintana, imma rnexxielu jżomm sod sabiex rebaħ l-edizzjoni ta’ din is-sena. L-aħħar stadju ta’ din it-tellieqa kien mirbuħ mill-Ispanjol Ion Izagirre.

Bernal, li pjuttost kien ċiklist sorpriża f’din it-tellieqa, irnexxielu jirbaħ b’39 sekonda vantaġġ quddiem Quintana fl-aħħar ġurnata madwar Nizza. Fuq distanza ta’ 110 kilometri, il-Kolombjan ta’ 22 sena kien fl-aħjar tiegħu u allura seta’ jserraħ rasu mir-rebħ ta’ din l-edizzjoni, fejn anke fit-tielet post spiċċa ċiklist ta’ Team Sky, il-Pollakk Michal Kwaitkowski. B’hekk, Team Sky rebħu sitta mill-aħħar tmien edizzjonijiet tat-tellieqa magħrufa bħala “Tellieqa għax-Xemx.”

Egan Bernal beda jikseb ċertu popolarità wara li s-sena li għaddiet għen ħafna lil Chris Froome u Geraint Thomas fit-Tour de France, imma issa, għall-ewwel darba fil-karriera tiegħu, huwa ser ikun il-leader tat-tim fil-Giro d’Italia ta’ din is-sena.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA
Aħbarijiet Oħra
Ċikliżmu

L-Organiżaturi tat-Tour tad-Danimarka kkonfermaw li ħassru t-Tour ta’ din is-sena hekk kif il-Gvern Daniż naqas li jagħti direzzjoni fuq dan l-avveniment. Oriġinalment it-Tour kellu jsir bejn il- 11 u l-15…

Ċikliżmu

Iċ-ċiklist Kolombjan Jarlinson Pantano ġie sospiż erba’ snin wara minħabba doping. Pantano kien sarlu dan it-test is-sena l-oħra. Iċ-ċiklist ta’ 31 sena, li kien rebaħ stadju tat-Tour De France fl-2016,…

Ċikliżmu

It-Tour tal-Ingilterra taċ-ċikliżmu ta’ din is-sena ġie kkanċellat minħabba l-pandemija tal-COVID-19. It-tellieqa kienet pjanata li ssir bejn is-6 u t-13 ta’ Settembru iżda l-organizzaturi ddeċidew li għal din is-sena ma…

Ċikliżmu

Il-Giro D’Italia se jkun qed jibda fit-3 ta’ Ottubru li ġej filwaqt li l-Vuelta ta’ Spanja se jkun qed jibda eżatt wara fl-20 ta’ Ottubru. Din l-aħbar tawha l-Unjoni Internazzjonali…

Aktar