Ċikliżmu
Ċikliżmu: Imut l-ex ċiklist Franċiż Raymond Poulidor

Tħabbret il-mewt taċ-ċiklist Franċiż Raymond Poulidor, magħruf l-aktar għal kemm-il darba kien viċin li jirbaħ it-Tour De France u falla bi ftit anki jekk rebaħ seba’ stadji.

Poulidor kellu 83 sena u l-aqwa tiegħu fiċ-ċikliżmu kienu s-Snin 60.

‘Pou-Pou’, kif kien magħruf, kellu l-ikbar pika fi żmienu maċ-ċiklisti Jacques Anquetil u l-Belġjan Eddy Merckx.

Fuq l-istazzjon tar-radju RTL, Poulidor ġie meqjus bħala champion kbir, raġel kbir u ħabib kbir ta’ kulħadd.

Poulidor twieled fl-1936 fi Franza u beda l-karriera tiegħu professjonali fl-1959.

Fil-karriera ta’ 20 sena li kellu, hu rebaħ il-Vuela ta’ Spanja fl-1964 u l-Milan-Sanremo fl-1961, fost oħrajn.

Miktub minn...
TVM Sport
Aħbarijiet Oħra
Ċikliżmu

Dan l-aħħar it-Tim Nazzjonali tal-Irġiel taċ-Ċikliżmu pparteċipa fit-12-il ċiklu ta’ ċikliżmu bejn ajruporti organizzat mill-Università tat-Tuneżija bi sħab mal-avjazzjoni ċivili u l-ajruporti Tuneżini. It-tiġrijiet kollha flimkien kienu fuq distanza totali…

Ċikliżmu

John Zammit li ilu għal iktar minn 50 sena fix-xena taċ-Ċikliżmu lokali se jibqa’ fit-tmexxija tal-Federazzjoni Maltija taċ-Ċikliżmu għal sentejn oħra wara li waqt il-Laqgħa Annwali Ġenerali li nżammet dan l-aħħar…

Ċikliżmu

Jingħata l-aħħar tislima ċ-ċiklist Raymond Poulidor fil-funeral li sar f’Limoges, fiċ-ċentru ta’ Franza, il-belt fejn twieled u trabba. Poulidour jibqa’ msemmi bħala l-aktar ċiklist li dejjem kien viċin li jirbaħ…

Aktar