Ċikliżmu
Ċikliżmu: Jinfetaħ l-istaġun taċ-ċikliżmu f’pajjiżna

Jinfetaħ l-istaġun taċ-ċikliżmu f’pajjiżna bl-Agones Sfc’s Safi Criterium. F’din it-tellieqa, iċ-ċiklisti jridu jagħmlu sprint kull tliet laps sabiex jiggwadanjaw il-punti, u b’hekk kull ċiklist ikun jista’ jara fejn qiegħed fl-istat fiżiku qabel ma’ jingħata bidu għall-kampjonat nazzjonali taċ-ċikliżmu.

F’kundizzjonijiet tat-temp perfetti, bi sprint waħda wara l-oħra u bit-tattiċi tat-timijiet differenti, kienu Etienne Bonello tat-tim Greens u Christian Formosa tat-tim The Cyclist li rnexxilhom iġibu punti ndaqs u spiċċaw fl-ewwel post. Warajhom spiċċa Mark Bonnici tat-tim Agones Sfc.

Fil-kategorija tan-nisa, Marion Pullicino tat-tim Mosta CC ħarġet rebbieħa, b’Caroline Zammit t’Agones Sfc tispiċċa fit-tieni post segwita minn Angelika Ruggier tat-tim Greens fit-tielet.

Il-kategorija tal-40+ kienet mirbuħa minn Antoine Sultana tat-tim The Cyclist, filwaqt li Brandon Sultana tat-tim Gozo CC rebaħ il-kategorija ta’ taħt it-23 sena.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm Kontrattakk.
Aħbarijiet Oħra
Ċikliżmu

Ċikliżmu: Marie Claire Aquilina żammet l-ewwel post overall fil-kategorija tan-Nisa fl-edizzjoni ta’ dis-sena ta’ The Cyclist Tour ta’ Malta minkejja li daħlet biss ir-raba’ fit-tieni tappa llum. It-tellieqa tan-nisa ntrebħet…

Ċikliżmu

L-edizzjoni 2019 ta’ The Cyclist Tour ta’ Malta ngħatat bidu dalgħodu bit-Time Trial individwali fuq rotta ta’ 12-il kilometru fil-bypass tal-Imtarfa. Temp xemxi laqa’ lill-aktar minn mitt ċiklist li ħadu…

Ċikliżmu

Il-25 Edizzjoni tat-Tour Internazzjonali ta’ Malta bl-isponsor ewlieni ta’ The Cyclist, ser tinżamm bejn nhar il-Ħamis 11 ta’ April u l-Ħadd 14 ta’ April 2019, fejn huwa mistenni numru rekord…

Aktar