Ċikliżmu
Ċikliżmu: Magnus Cort Nielsen jirbaħ ir-raba’ stadju tat-tellieqa minn Pariġi sa Nizza

Iċ-ċiklist Magnus Cort Nielsen tat-tim Astana Pro rebaħ ir-raba’ stadju fit-tellieqa minn Pariġi sa Nizza. Nielsen kellu taqtiegħa ħarxa mal-Belġjan Thomas De Gendt u t-Taljan Giulio Ciccone, imma xorta rnexxilu jaqbeż il-linja finali l-ewwel. Fir-raba’ post daħal it-Taljan Alessandro De Marchi u dawn l-erba’ ċiklisti żammew il-pass flimkien u nqatgħu mill-bqija tal-peloton. Dylan Groenewegen, li sa qabel dan l-istadju kien fuq nett tal-klassifika, kellu ġurnata diżastruża u mhux biss tilef l-ewwel post imma spiċċa niżel ‘l isfel mhux ħażin. Issa fl-ewwel post hemm Michal Kwiatkowski ta’ Team Sky.

Il-Pollakk jinsab b’ħames sekondi vantaġġ fuq l-Ispanjol Luis León Sanchez u għaxarr sekondi quddiem il-Belġjan Philippe Gilbert.

Il-ħames stadju ta’ din it-tellieqa jsir illum fuq distanza ta’ 25.5 kilometri fil-villaġġ ta’ Barbentane, u ser ikun taqtiegħa kontra l-ħin.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm Kontrattakk.
Aħbarijiet Oħra
Ċikliżmu

Tliet snin wara li waqaf jikkompeti fiċ-ċikliżmu kompetittiv, Jason Vella (Agones SFC) għamel ritorn fix-xena internazzjonali, meta ħa sehem fis-Sunshine Cup ġewwa Ċipru, meqjusa bħala wieħda mill-aktar kompetiżżjonijiet prestiġjużi tal-mountain…

Ċikliżmu

Egan Bernal ta’ Team Sky irnexxielu jirbaħ it-tellieqa minn Pariġi sa Nizza wara li fi tmiem il-ġimgħa spiċċa fl-ewwel post tal-klassifika ġenerali. Huwa kellu sfida qawwija mill-kompatrijott tiegħu Nairo Quintana,…

Ċikliżmu

Il-Brittaniku Simon Yates ħa vantaġġ mill-kundizzjonijiet tar-riħ u rebaħ il-ħames stadju tat-tellieqa minn Pariġi sa Nizza fil-villaġġ ta’ Barbentane. It-tellieqa kontra l-ħin fuq distanza ta’ 25 kilometru, kienet l-aqwa pjattaforma…

Ċikliżmu

Iċ-ċiklist Dylan Groenewegen baqa’ jżomm il-quċċata tal-klassifika fit-tellieqa bejn Pariġi u Nizza, dan wara li kien Same Bennett li rebaħ fit-tielet stadju. L-Irlandiż mar fuq quddiem fl-aħħar 200 metru biex…

Aktar