Ċikliżmu
Ċikliżmu: Tour ta’ Malta 2019 it-tieni ġurnata, Marie Claire Aquilina żżomm l-ewwel post overall fil-kategorija tan-Nisa

Ċikliżmu: Marie Claire Aquilina żammet l-ewwel post overall fil-kategorija tan-Nisa fl-edizzjoni ta’ dis-sena ta’ The Cyclist Tour ta’ Malta minkejja li daħlet biss ir-raba’ fit-tieni tappa llum.

It-tellieqa tan-nisa ntrebħet minn Madeleine Scott, segwita minn Sian Bottomley u Gabriela Nordin.

L-uniku Malti fuq il-podium illum wara r-road race fuq il-bypass ta’ San Pawl il-Baħar kien Luke Borg li reġa’ daħal l-ewwel fil-katergorija Juniors, quddiem Sean Enriquez u Max Zammit.

Il-kategorija Elite bi tnax-il lap għal total ta’ 83 kilometru ntrebħet minn Matthew Dobbing: bi sħabu tal-istess team Harry Horsman u Josh Copely jaqsmu l-finish sekondi warajh.

Daryl Maffey rebaħ il-kategorija Masters, b’Etienne Bonello l-aħjar Malti fir-raba’ post. It-tielet tappa tat-tour issir għada filgħodu fuq il-bypass ta’ Ħaż-Żebbuġ.

 

Miktub minn...
TVM Sport
.
Aħbarijiet Oħra
Ċikliżmu

Iċ-ċiklisti ta’ Lotto-Soudal attendew għall-funeral ta’ seħibhom Bjorg Lambrecht ġimgħa wara l-mewt tiegħu fit-Tour tal-Polonja. Lambecht ta’ 22 sena miet wara inċident fit-tielet stadju tat-tour. Kienu sħabu ċ-ċiklisti stess li…

Aktar