Motorsport
Citroen jirtiraw mill-World Rally Championship

Citroen irtiraw mill-World Rally Championship wara li Sebastien Ogier ħabbar li ser iħalli lit-tim. Ogier kellu ħafna suċċessi mas-Citroen, tant li magħhom rebaħ diversi kampjonati tar-Rally. Mat-tħabbira tal-irtirar t’Ogier, Citroen iddeċidew li anke huma jirtiraw minħabba n-nuqqas ta’ sewwieq professjonali magħhom kif ukoll minħabba raġunijiet kummerċjali.

Huwa mistenni li t-Tnejn li ġej Sebastien Ogier jitħabbar bħala sewwieq ġdid tat-Toyota, wara li l-Estonjan Ott Tanak iddeċieda li jitlaq lill-istess Toyota wara li rebaħ ir-Rally din is-sena. Tanak ser jingħaqad mal-Hyundai għall-istaġun tas-sena d-dieħla.

L-irtirar tas-Citroen ħasad lil kulħadd fid-dinja tar-Rally għaliex bejn l-2004 u l-2012 rebħu disa’ unuri konsekuttivi permezz ta’ Loeb u Ogier, u fi tmien okkażjonijiet minnhom rebħu anke l-kampjonat tal-kostrutturi.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA