Futbol lokali
Claudio Marchisio f’Malta, żjara speċjali biex jiltaqa’ mal-partitarji

L-eks plejer ta’ Juventus Claudio Marchisio wasal f’Malta u beda b’sensiela ta’ attivitajiet organizzati mill-Juventus Club Malta Cuore Bianconero u li għandhom ilaqqgħuh ma’ mijiet ta’ Juventini Maltin.

Waqt konferenza tal-aħbarijiet li saret fil-bini tal-klabb, fil-Marsa, Claudio Marchisio esprima s-sodisfazzjon tiegħu għal din iż-żjara. Semma’ kif kien impressjonat bil-mod kif kien milqugħ f’Malta, saħansitra sa waqt li kien fuq l-ajruplan.

Hu tkellem dwar is-suċċessi tiegħu ma’ Juventus, fosthom seba’ edizzjonijiet tas-Serie A, tliet darbiet is-Supercoppa Italiana u erba’ trofej tal-Coppa Italia. Qal li l-ħajja tiegħu bħala Juventin, hu li hu prodott ta’ dan il-klabb, iffurmatu anke fil-ħajja.

Sfortunatament, fl-aħħar jiem Claudio Marchisio ħabbar li ritra wara sensiela ta’ injuries li fl-aħħar snin żammewh nieqes mill-azzjoni. Mistoqsi dwar għaliex ħa din id-deċiżjoni fl-eta’ ta’ 33 sena, hu qal li ħass li ma setax joffri iktar dak li kien jagħti fil-grawnd fl-aqwa tiegħu.

Min-naħa tiegħu l-President tal-klabb, Marlon Hili, iddikjara din iż-żjara bħala ħolma li qed issir realtà frott snin ta’ relazzjoni tajba u ħbiberija bejn membri tal-Kumitat tal-klabb u Claudio Marchisio.

Innota li din hi l-ewwel darba fis-snin riċenti li plejer ta’ din l-era ta’ Juventus ġie f’pajjiżna għal żjara organizzata minn klabb tas-sapporters lokali, biż-żjara tgħaqqad ukoll lill-klabbs l-oħra li wkoll kienu mistiedna għall-attivitajiet.

Claudio Marchisio mistenni jiltaqa’ ma’ iktar minn 350 persuna f’serata organizzata apposta li se ssir is-Sibt filgħaxija, f’lukanda ewlenija f’Tas-Sliema.

Miktub minn...
TVM Sport
Aħbarijiet Oħra
Futbol internazzjonali

Fil-Belġju il-Pro League Board iddikjara lil Club Brugge bħala ċ-Champions tal-istaġun 2019/20 dan wara li ttieħdet id-deċiżjoni li l-kampjonat ma jitkompliex. Qabel ma’ twaqqaf il-kampjonat tal-ogħla diviżjoni fil-Belġju minħabba l-COVID…

Futbol internazzjonali

Żvolta oħra fis-sitwazzjoni tal-futbol fl-Italja speċjalment fis-Serie A hekk kif il-President ta’ Brescia Massimo Cellino għamilha ċara waqt intervista mal-Gazzetta dello Sport li l-Club tiegħu ma jridx li dan l-kampjonat…

Futbol internazzjonali

Il-Prim Ministru Taljan Giuseppe Conte l-bieraħ għamilha ċara li ebda team professjonali jew tad-dilettanti ta’ kwalunkwe sport ma’ jista’ jibda t-taħriġ tiegħu qabel it-13 ta’ April. Fid-digriet emendat li ħabbar…

Aktar