Sparar
Compak Sporting: Ippreżentati ċ-ċertifikati lill-parteċipanti

L-FKNK, ir-rappreżentanti lokali tal-Federazzjoni Internazzjonali ta’ Sparar Sportiv b’Armi tan-Nar tal-Kaċċa, organizzat kors għar-referees fid-dixxiplina rispettiva ta’ ‘Compak Sporting’.

Dan il-kors, li sar dalgħodu, fir-range tal-Malta Shooting Sports Federation fil-Bidnija, kien taħt il-gwida tal-lecturer Hugh Smith.

Clifton Grima, Segretarju Parlamentari għall-Isport, ippreżenta ċ-ċertifikati relattivi lill-parteċipanti u faħħar l-impenn ta’ dawk kollha li ħadu sehem.

Grima reġa’ wiegħed li x-shooting range f’Ta’ Kandja se tkun lesta sal-aħħar ta’ Mejju li ġej għat-Tazza tad-Dinja tal-isparar li se tkun qed issir għall-ewwel darba f’pajjiżna.

Clifton Grima qal li l-għażla tal-art f’Ta’ Kandja ttieħdet għaliex kienet l-aktar waħda għaqlija fuq art tal-Gvern abbandunata ta’ 26 tomna u li kienet imwarrba.

Grima żied jgħid li hekk kif tgħaddi t-Tazza tad-Dinja f’pajjiżna f’Ġunju li ġej, ix-xogħol fuq din l-art f’Ta’ Kandja se jkompli biex jitlestew ir-ranges l-oħra.

Miktub minn...
Mark Attard
Ġurnalist ta' TVM Sport. Isegwi l-Isport lokali u internazzjonali. Isegwi u jirraporta l-football lokali u internazzjonali. Jippreżenta l-programmi UEFA Europa League Highlights u UEFA Champions League Highlights.
Aħbarijiet Oħra
Sparar

Eleanor Bezzina rnexxielha terġa’ twaqqaf rekord nazzjonali ġdid fit-10m Air Pistol meta hi għamlet skor ta’ 580 minn massimu ta’ 600 fil-Larry Vella indoor Hall Range fil-Bidnija fi tmiem il-ġimgħa….

Sparar

Wara kważi iktar minn tmintax -il sena il-Federazzjoni Maltija tal-Isports tal-Isparar se jkollha President ġdid hekk kif Salvu Portelli ddeċida li ma jikkontestax għal din il-kariga. Meta għalqu n-nomini għal…

Sparar

Sparar: George Mifsud rebaħ il-Franwin Trap Trophy li saret il-bieraħ fis-Southern Shooting Club Qormi. Il-kompetizzjoni kient fuq żewġ rounds ta’ 25 plattina qabel il-finali. John Marmara spiċċa fit-tieni post filwaqt…

Sparar

Sparar: Stephen Vella rebaħ il-Marfel Trap Trophy, organizzata mill-Federazzjoni maltija tal-Isparar. Il-kompetizzjoni kienet fuq 50 plattina bl-aħjar sitt tiraturi jgħaddu għall-finali. Fit-tieni post daħal Gianluca Chetcuti u fit-tielet post Chris…

Aktar