Fight Sports
Conor McGregor involut f’aggressjoni oħra, ikisser mobile ta’ persuna li ppruvat teħodlu ritratt

Il-ġellied tal-mixed martial arts Conor McGregor kien arrestat f’Miami Beach, l-Istati Uniti, ilbieraħ. Dan wara li ddaħħal rapport fit-Turner Guilford Knight Correctional Center ta’ Miami li McGregor kien kisser telefon ċellulari ta’ persuna u wara baqa’ sejjer bih imkisser kif kien. L-Irlandiż ta’ 30 sena ġie arrestat fuq akkużi ta’ serq u attività kriminali skont kif inħareġ l-affidavit għall-arrest tiegħu.

Il-każ inqala’ meta l-vittma u l-aggressur kienu ħerġin mill-Fountainbleau Hotel f’Miami, u tal-ewwel ipprova jieħu ritratt tal-idolu tiegħu bit-telefon ċellulari. Malli McGregor induna b’dan, rema t-telefon ċellulari tal-vittma fl-art u għaffġu b’saqajh diversi drabi, bil-valur tal-mobile jkun ta’ madwar €900.

Dan ma kienx l-ewwel każ t’aggressjoni min-naħa ta’ McGregor għaliex f’April tas-sena li għaddiet kellu tliet kawżi differenti fuq aggressività. L-Irlandiż inħeles aktar kmieni dalgħodu mill-kustodja tal-pulizija, imma s’issa għadu mhemmx indikazzjoni jekk hux ser jittieħdu passi ulterjuri kontrih.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA
Aħbarijiet Oħra
Sports Internazzjonali

Ir-Russu Daniil Dubov rebaħ il-Lindores Abbey Rapid Challenge wara li fil-finali għeleb lill-Amerikan Hikaru Nakamura. Il-finali, li kienet maqsuma fuq tlett ijiem, kienet waħda taħraq b’mod speċjali fl-aħħar ġurnata. Nakamura…

Formula 1

Iċ-ċirkwiti tar-Red Bull Ring u Silverstone ser jospitaw żewġ Grand Prix meta jibda l-istaġun f’Lulju li ġej. Ir-Red Bull Ring tal-Awstrija ser jospita l-ewwel żewġt itlielaq, ġimgħa wara l-oħra, fil-5…

Formula 1

Il-Gvern tal-Awstrija ta l-permess biex isiru t-tlielaq tal-Grand Prix tal-Formula 1 fil-pajjiż f’Lulju li ġej. It-tlielaq huma skedati għal bejn il-5 u t-12 ta’ Lulju u jsiru mingħajr partitarji fiċ-ċirkwit…

Aktar