Futbol internazzjonali
Copa America 2020: Arġentina fil-grupp mal-Awstralja u l-Qatar mal-Kolumbja u l-Brażil

Itellgħu l-poloz tal-fażi tal-gruppi għat-Tazza Amerika magħrufa bħala Copa America 2020. L-Awstralja se jkunu fl-istess grupp tal-Arġentina filwaqt li ċ-champions Ażjatiċi l-Qatar se jilagħbu kontra l-Kolumbja u l-Brażil rispettivament.

L-Ospiti ta’ dan it-turnew se jkunu l-Kolumbja u l-Arġentina bil-logħob kollu jintlagħab bejn it-12 ta’ Ġunju u t-12 ta’ Lulju. It-timijiet jieħdu sehem se jkunu 12, b’10 mill-CONMEBOL flimkien mal-Qatar u l-Awstralja.

Flimkien mal-Kolumbja, l-Qatar se jaffrontaw ukoll lill-Venezwela, l-Ekwador u l-Peru’ fi Grupp B.

L-Awstralja li se jkunu qed jiddebuttaw fit-turnew u se jilagħbu kontra l-Paragwaj, l-Urugwaj, il-Bolivja u ċ-Ċile fi Grupp A.

Erba’ timijiet minn kull grupp jikkwalifikaw għall-Kwarti tal-Finali bil-partita tal-ftuħ se tkun bejn l-Arġentina u ċ-Ċile fil-Monumental Stadium fi Buenos Aires. Dan se jkun ir-raba’ turnew f’sitt snin, bl-organizzaturi jsostnu li dan se jkun l-aħħar wieħed qabel l-2024.

L-Arġentina ilhom ma jirbħu din il-kompetizzjoni sa mill-1993 filwaqt li l-Kolumbja rebħuha darba biss fl-2001 meta dakinhar ukoll kienu ospitaw t-turnew. Iċ-champions preżenti huma l-Brażil meta fil-finali ta’ Lulju li għadda għelbu lill-Peru biex b’hekk rebħu l-kompetizzjoni għad-disa’ darba.

Miktub minn...
TVM Sport
.
Aħbarijiet Oħra
Futbol internazzjonali

Atalanta – PSG Fl-ewwel kwartifinali tal-UEFA Champions League, Atalanta ser jilagħbu kontra PSG f’eliminazzjoni diretta. Il-logħba ser tintlagħab fl-Estadio da Luz, f’Lisbona, il-Portugall. Atalanta deħlin għal dan il-konfront wara erba’…

Futbol internazzjonali

Shakhtar Donetsk tal-Ukrajna u Sevilla ta’ Spanja għamluha għas-semifinali tal-UEFA Europa League ta’ dan l-istaġun meta fil-kwarti tal-finali għelbu lil Basel tal-Iżvizzera u lil Wolves tal-Ingilterra, rispettivament. Shakhtar Donetsk rebħu…

Futbol internazzjonali

Villarreal iffirmaw lill-plejer Ġappuniż Takefusa Kubo b’self mingħand Real Madrid għall-istaġun li ġej. L-aħbar ikkonfermaha l-klabb stess. Kubo, ta’ 19-il sena, kellu wirjiet impressjonanti fil-bidu tal-istaġun li għadda ma’ Real…

Futbol internazzjonali

Il-winger ta’ Borussia Dortmund Jadon Sancho jinsab mal-iskwadra li marret fl-Iżvizzera għal training camp ta’ qabel ma jibda l-istaġun, bil-klabb li qal li l-plejer se jkun qed jibqa’ magħhom għax…

Aktar