Futbol internazzjonali
Copa Libertadores: River Plate jirbħu l-finali b’aggregate ta’ 5-3 fuq Boca Juniors

It-tim Arġentin ta’ River Plate huma r-rebbieħa tal-Copa Libertadores 2018. Huma kellhom jiġu minn gowl minn taħt biex dawru l-logħba u fil-ħin barrani għelbu lit-tim ta’ Boca Juniors bl-iskor ta’ 3-1 għal aggregate ta’ 5-3.

Kienet finali differenti mis-soltu, għaliex intlagħbet fis-Santiago Bernabeu ta’ Madrid fi Spanja, wara l-ġlied kbir li nqala’ fl-Arġentina meta ż-żewġ timijiet ġew biex jilagħbu t-tieni leg ta’ din il-finali.

Kien Benedetto li poġġa lil Boca Juniors fil-vantaġġ eżatt qabel tmiem l-ewwel taqsima, bil-plejers ta’ River Plate jkollhom iwettqu reazzjoni qawwija fit-tieni taqsima, sakemm Pratto għamel l-iskor indaqs fit-68 minuta. Sad-90 minuta r-riżultat baqa’ hekk u allura l-aggregate kien dak ta’ 3-3, wara d-dro ta’ 2-2 fl-ewwel leg fl-Arġentina f’Novembru.

Fil-ħin barrani, l-ewwel daqqa ta’ ħarta għal Boca Juniors meta fit-93 minuta Barrios spiċċa muri l-karta l-ħamra u ħalla lil sħabu jilagħbu l-bqija tan-nofs siegħa bi pleher inqas. Mal-109 minuta, River Plate għall-ewwel darba marru fil-vantaġġ meta Quintero sab ix-xibka, u fit-tentattiv li Boca Juniors iġibu l-iskor indaqs fl-aħħar mumenti tal-logħba, huma spiċċaw sofrew ieħor meta f’kontrattakk u f’lasta vojta Martinez tefa’ fix-xibka mat-tieni minuta fuq il-ħin regolamentari tat-tieni taqsima tal-ħin barrani. B’hekk it-tim ta’ River Plate ħarġu rebbieħa 3-1, b’aggregate ta’ 5-3, biex b’hekk rebħu r-raba’ Copa Libertadores fl-istorja tagħhom.

It-tim ta’ River Plate, jumejn oħra, ser ikun qiegħed jirrappreżenta lill-Amerika t’Isfel fil-FIFA Club World Cup li ser issir fl-Emirati Għarab Maqgħuda.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm Kontrattakk.
Aħbarijiet Oħra
Futbol internazzjonali

L-ex stilla Arġentin Diego Armando Maradona kien imwaqqaf l-ajruport ta’ Buenos Aires u aktar tard kien arrestat wara li l-ex maħbuba tiegħu qiegħda tfittxu bil-Qorti. Rapporti li ħerġin mill-Arġentina qegħdin…

Futbol internazzjonali

Tkompli tikber il-probabilità li Antonio Conte jinħatar kowċ t’Inter matul il-ġimgħa d-dieħla, ftit tal-jiem wara li jintemm dan l-istaġun. Inter mistennija jilagħbu l-aħħar logħba tal-istaġun 2018/19 nhar il-Ħadd li ġej…

Futbol internazzjonali

Id-deċiżjoni hija finali. L-edizzjoni tat-Tazza tad-Dinja 2022 ser tkun bi 32 tim. Id-deċiżjoni kienet komunikata mill-FIFA fejn intqal li wara konsultazzjoni wiesgħa u komprensiva, ġie konkluż li fiċ-ċirkostanzi preżenti, il-proposta…

Futbol internazzjonali

Wara t-tmiem tal-Bundesliga fejn Borussia Dortmund spiċċaw fit-tieni post tal-klassifika, huma ma ħlewx ħin sabiex jibdew isaħħu l-iskwadra għall-istaġun li ġej għaliex fi ftit sigħat ħabbru tliet trasferimenti. L-ewwel trasferiment…

Aktar