Futbol internazzjonali
Copa Libertadores – Santos jgħaddu għall-finali b’rebħa fuq Boca Juniors

Semifinali, it-tieni leg
Santos 3   Boca Juniors 0 (agg. 3-0)

Il-Brażiljani ta’ Santos għaddew għall-finali tal-Copa Libertadores b’rebħa fuq Boca Juniors, biex issa fil-finali huma ser jaffaċċjaw lill-kompatrijotti ta’ Palmeiras.

Santos marru fil-vantaġġ ma’ kwarta logħob b’gowl ta’ Pituca u sal-mistrieħ baqgħu 1-0. Il-Brażiljani skorjaw it-tieni fid-49 minuta meta Soteldo sab ix-xibka, bi Braga jiskorja t-tielet fil-51 minuta biex għalaq il-logħba. Għal Boca Juniors il-logħba baqgħet ġejja għat-telgħa meta tkeċċa Fabra b’karta ħamra diretta fis-56 minuta biex b’hekk baqgħu jilagħbu b’għaxra għal aktar minn nofs siegħa.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA