Futbol internazzjonali
Coppa Italia: Illejla l-finali bejn Atalanta u Lazio

Illejla tintlagħab il-finali tal-Coppa Italia bejn Atalanta u Lazio. Għat-tim minn Ruma din ser tkun it-tielet finali f’temp ta’ ħames staġuni u minħabba li l-logħba ser tintlagħab fl-Olimpico, il-Lazio jistgħu jqisu li ser jilagħbu f’darhom. Għall-Atalanta s-sitwazzjoni hija xi ftit differenti għaliex ilhom ma jkunu fil-finali għal 23 sena.

Atalanta waslu s’hawn billi għelbu lill-Cagliari, lill-Juventus u lill-Fiorentina fuq żewġ legs, u f’kull logħba skurjaw 2 gowls jew aktar. Fl-aħħar 13-il logħba, l-Atalanta qatt ma ħarġu telliefa, fejn ħadu 9 rebħiet u 4 draws. U matul dan l-istaġun, huma għelbu lil-Lazio darbtejn fil-kampjonat.

Għal-Lazio s-sitwazzjoni ma tidhirx daqstant feliċi. Għalkemm waslu sal-finali tal-Coppa Italia, fl-aħħar tliet logħbiet tal-kompetizzjoni skurjaw biss gowl wieħed sad-90 minuta, u fl-aħħar tmien logħbiet li lagħbu, spiċċaw b’4 rebħiet u 4 telfiet.

Il-logħba tal-lejla ser tkun ikkontrollata mir-referee Luca Banti u tibda fid-20:45.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA
Aħbarijiet Oħra
Futbol internazzjonali

Stennija kbira għat-tkomplija ta’ La Liga fi Spanja meta fil-11 ta’ dan ix-xahar mistenni jitkompla l-logħob ta’ dan l-istaġun. Barcelona ser ikomplu bid-difiża għat-titlu barra minn darhom kontra Real Mallorca…

Futbol internazzjonali

Gianfranco Zola, l-ex assistant kowċ ta’ Chelsea, qal li ħafna mill-plejers kienu ddejqu jaħdmu mal-kowċ Maurizio Sarri. F’intervista kontroversjali li ta lil Bein Sports, Zola qal li kien hemm plejers…

Futbol internazzjonali

Tħabbret il-mewt ta’ Beppe Barletti, ex kontributur tal-programm 90 Minuto fuq ir-RAI. Barletti kien mir-reġjun ta’ Piemonte u kien il-korrispondenti ta’ Juventus u Torino fiż-żmien li 90 Minuto kien jippreżentah…

Futbol internazzjonali

Il-UEFA qed tistenna d-dati tal-fixtures il-ġodda tal-Premier League Ingliż u tas-Serie A sabiex tkun tista’ tiffinalizza d-dati tal-kontinwazzjoni tal-kompetizzjonijiet ta’ dan l-istaġun. Il-Premier League Ingliż kien l-aħħar kampjonat li ħabbar…

Aktar