Futbol internazzjonali
Coppa Italia: Novara, Sassuolo u Cagliari fir-Rawnd tas-16

Novara 3  Pisa 2

Novara għamluha għar-rawnd li jmiss tal-Coppa Italia meta f’darhom laqgħu lil Pisa u rebħulhom bl-iskor ta’ 3-2. Pisa marru fil-vantaġġ mal-kwarta logħob b’gowl ta’ Marconi, imma Novara għamlu l-iskor indaqs fit-22 minuta b’gowl ta’ Peralta. Bove poġġa lin-Novara għall-ewwel darba fil-vantaġġ fit-53 minuta, b’Lisi jġib id-dro għal Pisa fit-72 minuta. Il-gowl tar-rebħa għal Novara kien skurjat minn Manconi fid-90 minuta.

Sassuolo 2  Catania 1

B’gowl f’kull taqsima, Sassuolo għelbu lill-Catania bl-iskor ta’ 2-1 biex huma wkoll għamluha għar-Rawnd tas-16. Huma fetħu l-iskor mal-14-il minuta b’gowl ta’ Matri, imma Catania rnexxilhom iġibu d-dro fil-41 minuta permezz ta’ Brodic. Il-gowl tar-rebħa għas-Sassuolo wasal minn Locatelli fit-80 minuta.

Chievo 1  Cagliari 2

Cagliari barra minn darhom rebħu kontra Chievo bl-iskor ta’ 2-1 biex komplew għaddejjin fil-Coppa Italia. Kien Cerri li fetaħ l-iskor għall-Cagliari wara biss 8 minuti, imma Leris ġab id-dro mat-18-il minuta għall-Chievo. Pisacane rnexxielu jsib ix-xibka mat-68 minuta biex b’hekk Cagliari għaddew għall-fażi li jmiss.

Illejla jkollna żewġ logħbiet oħra minn din il-kompetizzjoni:

18:00  Genoa – Virtus Entella

20:45  Torino – Sudtirol

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm Kontrattakk.
Aħbarijiet Oħra
Futbol internazzjonali

Missier Neymar Jr xejjen kull spekulazzjoni li ibnu jista’ jerġa’ jingħaqad mat-tim ta’ Barcelona fi Spanja u ċaħad li sar xi kuntatt mat-tim Katalan dwar possibilment trasferiment fis-sajf li ġej….

Futbol internazzjonali

Fis-San Paolo, Napoli fallew milli għallinqas iżommu l-istakk distakk li għandhom taħt Juventus meta spiċċaw dro mat-Torino bl-iskor ta’ 0-0. F’logħba pjuttost nervuża u kkaratteriżata minn tmien karti sofor, iċ-Ċelesti…

Futbol internazzjonali

Il-leġġenda Sir Alex Ferguson ser jerġa’ jkun fuq il-bank imexxi lit-tim ta’ Manchester United għal darb’oħra, fl-20 anniversarju minn meta r-Red Devils kienu rebħu l-finali drammatika tal-UEFA Champions League kontra…

Futbol internazzjonali

Mill-FA Cup fl-Ingilterra, fil-ħames round li qiegħed jintlagħab fi tmiem din il-ġimgħa, ilbieraħ kellna tliet timijiet oħra li għaddew għall-fażi li jmiss ta’ din il-kompetizzjoni. Brighton 2 Derby 1 Fl-ewwel…

Aktar