Futbol internazzjonali
Coppa Italia: Perugia, Spal u Udinese fil-round li jmiss

Sassuolo 1   Perugia 2

Diżappunt għal Sassuolo fil-Coppa Italia meta fir-Round tas-16 tilfu kontra Perugia 2-1. Sal-ewwel 17-il minuta Perugia kienu diġa’ 2-0 minn fuq b’gowls ta’ Mazzocchi u Nicolussi. Bourabia naqqas id-distakk għal Sassuolo tmien minuti mit-tmiem, gowl li ġie tard wisq biex setgħu jippruvaw iġibu l-gowl tad-draw.

 

Spal 5   Lecce 1

Rebħa konvinċenti għal Spal fuq Lecce bl-iskor ta’ 5-1, u sal-ewwel taqsima Spal kienu diġa’ għalqu l-logħba meta fetħu vantaġġ t’erba’ gowls. Igor, Paloschi, Murgia u Cionek skurjaw l-ewwel erbgħa għal Spal, imbagħad Imbula naqqas id-distakk għal Lecce fil-55 minuta. Fit-84 minuta Floccari skurja l-ħames għal Spal biex huma għaddew għall-kwartifinali.

 

Udinese 4   Bologna 0

Żewġ gowls f’kull taqsima għal Udinese biex ħadu rebħa konvinċenti fuq Bologna, 4-0. Barak fetaħ l-iskor fl-24 minuta u De Maio għamilhom 2-0 fit-42 minuta. Mandragora skorja t-tielet fis-77 minuta u Lasagna għalaq il-logħba bir-raba’ gowl fit-tieni minuta fuq il-ħin regolamentari.

 

Illejla jintlagħbu l-aħħar żewġ logħbiet mir-Round tat-32 tal-Coppa Italia:

18:00 Parma – Frosinone

21:00 Cagliari – Sampdoria

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA
Aħbarijiet Oħra
Futbol internazzjonali

It-Tlieta filgħaxija jintlagħab programm ta’ logħob mill-Kampjonat Premier Ingliż, b’diversi konfronti li jafu jċaqilqu l-klassifika. Watford iridu jibqgħu jibnu fuq l-aħħar wirjiet tagħhom, b’Manchester City iridu jinsew id-diżappunt tal-aħħar logħba…

Futbol internazzjonali

Coppa Italia Bejn it-Tlieta u l-Erbgħa filgħaxija jintlagħbu l-ewwel żewġ kwartifinali mill-Coppa Italia. Fl-azzjoni erba’ timijiet mis-Serie A, bil-logħba tat-Tlieta tlaqqa’ lil Napoli u Lazio fis-San Paolo. Napoli jridu jippruvaw…

Futbol internazzjonali

Serie A Atalanta 1   Spal 2 Nifs qawwi għal Spal fil-ġlieda kontra r-relegazzjoni meta t-Tnejn filgħaxija marru għand Atalanta u ħarġu bit-tliet punti f’idejhom biex anke nqalgħu mill-aħħar post tal-klassifika….

Futbol internazzjonali

Beppe Marotta kkonferma li Inter huma interessati li jakkwistaw lill-plejer ta’ Chelsea, Victor Moses. Skont Gianluca Di Marzio, Chelsea taw permess lil Inter ikellmu lil Moses li bħalissa jinsab misluf…

Aktar