Formula 1
Corinna Schumacher titkellem dwar is-saħħa ta’ żewġha Michael

Il-mara tal-ex champion tal-Formula 1 Michael Schumacher tkellmet dwar is-saħħa ta’ żewġha u f’kummenti li tat waqt intervista reġgħet xegħlet it-tama li s-sewwieq Ġermaniż jista’ jkun li qiegħed jirkupra tajjeb.

Michael Schumacher kien weġġa’ lura f’Diċembru 2013, fl-Alpi Franċiżi, u r-rapporti mediċi dejjem indikaw li minħabba l-inċident, Schumacher kellu ħsara fil-moħħ. Minn dakinhar li weġġa’ sal-lum, il-familja Schumacher dejjem żammet fommha sieket dwar l-istat ta’ saħħa ta’ Michael, u dan wassal għal spekulazzjonijiet differenti dwar il-kundizzjoni tiegħu.

F’dokumentarju li ser joħroġ aktar tard matul din is-sena bit-titlu ‘Shumacher,’ Corinna tfaħħar l-ispirtu kumbattiv tiegħu li mhux biss għenu fil-karriera tiegħu, imma anke qiegħed jgħinu fir-riabilitazzjoni tiegħu. ‘Michael huwa ġellied u mhux se jaqta’ qalbu,’ kienu l-kummenti ta’ Corinna Schumacher.

Wara l-kummenti ta’ Corinna Schumacher hemm min qiegħed jgħid li għad hemm il-possibiltà li Michael jirkupra totalment, u aktar kmieni dan ix-xahar, anke Bernie Ecclestone, li kien imexxi l-Formula 1 fi żmien Michael Schumacher, qal li, “bħalissa mhuwiex magħna. Imma meta jkun aħjar ikun jista’ jwieġeb il-mistoqsijiet kollha.’

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA
Aħbarijiet Oħra
Formula 1

Fil-Ġappun, il-Mercedes rebħu s-sitt kampjonat konsekuttiv tal-kostrutturi wara li s-sewwieqa tagħhom spiċċaw l-ewwel u t-tielet, bil-Ferrari jkollhom tellieqa oħra pjuttost diżappuntanti wara li Vettel u Leclerc telqu mill-ewwel żewġ postijiet…

Formula 1

It-tifun Hagibis m’affettwax biss it-Tazza tad-Dinja tar-Rugby imma anke l-Fornula 1. Sa mill-bidu tal-ġimgħa, it-temp kien wieħed mill-aktar fatturi li tkellmu dwaru l-mekkaniċi u s-sewwieqa, u tant li l-Ġimgħa filgħodu…

Formula 1

Matul il-ġurnata tal-Erbgħa f’Londra, sar it-tieni avveniment tal-E-Sports Formula 1 bi tlett itlielaq oħra ta’ dan l-istaġun virtwali. Il-Grand Prixs kienu tal-Kanada, l-Awstrija u l-Ingilterra. Fit-tlett itlielaq kien hemm rebbieħa…

Formula 1

Wara d-dominju ta’ Charles Leclerc fl-aħħar Grand Prix, il-Mercedes jirritornaw bil-kbir billi jirreġistraw l-aħjar postijiet bl-ewwel u t-tieni post f’Sochi li kien is-16 il-GP tal-istaġun. Lewis Hamilton irritorna għar-rebħ meta…

Aktar