Futbol internazzjonali
Cristiano Ronaldo b’rekord ġdid

Biż-żewġ gowls li skurja fir-rebħa ta’ Juventus kontra Udinese, Cristiano Ronaldo waqqaf rekord personali għalih meta sar l-uniku plejer fl-Ewropa li skorja aktar minn 10 gowls għal 15-il staġun konsekuttiv. Ronaldo skorja ħames gowls fl-aħħar erba’ logħbiet li lagħab ma’ Juventus, u s’issa skorja 11-il gowl minn 19-il logħba fis-Serie A f’dan l-istaġun. B’hekk huwa sar l-uniku plejer fl-aqwa ħames kampjonati Ewropej li rnexxielu jiskorja għaxra jew aktar għal dawn l-aħħar 15-il staġun infila.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA