Motorsport
Dakar Rally: Carlos Sainz jirbaħ l-10 stadju u jkabbar il-vantaġġ

L-Ispanjol Carlos Sainz reġa’ kabbar il-vantaġġ fil-quċċata tal-klassifika meta rebaħ l-għaxar stadju fir-Rally ta’ Dakar. Dan l-istadju kellu jitwaqqaf minħabba rjiħat qawwija u kundizzjonijiet xejn tajba tat-temp fid-deżert tal-Arabja Sawdija. L-istadju twaqqaf wara 223 kilometru, fejn is-sewwieqa li kienu fid-deżert kellhom jitkellmu bejniethom sakemm waslu lura f’Shubaytah. Qabel ma’ beda l-istadju, Sainz kien biss 24 sekonda quddiem Nasser Al-Attiyah, imma rnexxilu jkabbar dan il-vantaġġ għal 18-il minuta u 10 sekondi. Al-Attiyah spiċċa fit-tieni post,filwaqt li Stephane Peterhansel daħal it-tielet.

Stadju xejn pożittiv għal Fernando Alonso li spiċċa nqaleb bil-karozza tiegħu imma fortunatament ma’ ġralu xejn. Alonso kompla jsuq matul dan l-istadju mingħajr windscreen minħabba li nkisirlu waqt li nqaleb.

Fil-kategorija tal-muturi l-Amerikan Ricky Brabec spiċċa t-tieni wara l-Ispanjol Joan Barreda Bort, imma kabbar il-vantaġġ tiegħu fil-quċċata tal-klassifika għal 25 minuta fuq iċ-Ċilen Pablo Quintanilla. L-Awstraljan Toby Price, li qiegħed jiddefendi t-titlu, jista’ jaqta’ qalbu li jerġa’ jirbaħ din l-edizzjoni meta jinsab 28 minuta ‘l bogħod minn Brabec.

Il-Ħamis jinstaq il-11-il stadju bir-Rally ta’ Dakar tiġi fi tmiemha l-Ġimgħa 17 ta’ Jannar.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA
Aħbarijiet Oħra

Jonathan Rea rebaħ it-tappa tal-kampjonat mondjali tas-Superbikes li saret Moorland Aragon biex estenda l-vantaġġ tiegħu fil-klassifika overall. Rea telaq mit-tieni post u nqabeż fl-ewwel dawra minn Scott Redding b’Michael Rinaldi…

Is-sewwieq tal-karting Gianluca Dingli irritorna minn Lonato fejn il-Ħadd li għadda kkompeta fit-tielet rawnd tal-kampjonat Rok Cup Italia. Dingli kkompeta fil-klassi Super Rok li kienet tikkonsisti minn 14 il-sewwieq minn…

Il-Ġappuniż Takuma Sato rebaħ l-Indianapolis 500 għat-tieni darba f’temp t’erba’ snin, biss din id-darba temm it-tellieqa taħt superviżjoni wara li kien hemm ħabta. Matul it-tellieqa Sato kellu taqtiegħa kontinwa ma’…

Indycar 500: Id-darbtejn Champion tad-Dinja tal-Formula 1 l-Ispanjol Fernando Alonso għada se jerġa’ jipprova jirbaħ il-tellieqa Indianapolis 500 fit-tielet tentattiv tiegħu. Jekk Alonso jirnexxielu jirbaħ l-Indy 500 għada, hu jsir…

Aktar