Motorsport
Dakar Rally: Carlos Sainz u Ricky Brabec mistennija jirbħu l-kategoriji tagħhom fl-aħħar stadju

L-Ispanjol Carlos Sainz jinsab stadju ‘l bogħod milli jirbaħ id-Dakar Rally 2020. Fit-tmiem tal-istadju ta’ qabel tal-aħħar, Sainz kellu 10 minuti vantaġġ fuq il-Qatari Nasser Al-Attiyah, u ftit tas-sekondi aktar fuq it-tielet sewwieq, Stephane Peterhansel. Il-Franċiż Peterhansel temm il-11-il stadju fl-ewwel post fuq distanza ta’ 379 kilometru minn Shubaytah sa Haradh Għal Peterhansel dan kien ir-raba’ stadju li fih spiċċa l-ewwel, u t-tmenin wieħed fil-karriera tiegħu. Bir-rebħa tal-bieraħ Peterhansel jinsab sitt sekondi biss wara Al-Attiyah, bil-Qatari jispiċċa l-istadju fit-tieni post u naqqar bi tmien minuti l-vantaġġ li kellu Sainz fuqu. L-Ispanjol spiċċa l-istadju fit-tielet post, u jittama li fl-aħħar stadju tal-Ġimgħa jirnexxilu jżomm id-distakk fil-quċċata sabiex jirbaħ ir-Rally ta’ din is-sena.

Fil-kategorija tal-muturi, l-Amerikan Ricky Brabec jidher li ser itemm id-dominanza tal-muturi KTM, li ilhom jirbħu edizzjoni wara l-oħra għal dawn l-aħħar 18-il sena. Brabec, li jsuq mutur Honda, jinsab fuq quddiem, 14-il minuta qabel iċ-Ċilen Pablo Quintanilla li rnexxilu jirbaħ l-istadju ta’ qabel tal-aħħar.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA
Aħbarijiet Oħra
Motorsport

Is-sewwieq Valentino Rossi ser jiddeċiedi din is-sena jekk ikomplix jikkompeti fil-Moto GP jew le. Rossi ħabbar dan wara li t-tim tal-Yamaha ħabbru li ffirmaw liż-żagħżugħ Franċiż Fabio Quartararo mis-sena 2021….

Motorsport

Motorsport: Sar il-funeral tar-rider tal-muturi Paulo Goncalves li miet wara inċident fatali waqt l-edizzjoni ta’ din is-sena tad-Dakar Rally. Il-Funeral ta’ Goncalves li kellu 40 sena sar f’Gemeses il-Portugal illum….

Motorsport

Adrian Figallo, uffiċjal tal-Federazzjoni Maltija tal-Motorsport ser jiġġudika l-erba ‘rawnds tal-Kampjonat Taljan tad-Drifting ta din is-sena. Il-Kampjonat Taljan tad-Drifting 2020 tnieda x-xahar li għadda f’Parma. Din l-edizzjoni se tkun ferm…

Motorsport

L-Ispanjol Carlos Sainz sar Champion tar-Rally ta’ Dakar għat-tielet darba fil-karriera fl-età ta’ 57 sena. L-Amerikan Ricky Brabec rebaħ il-kategorija tal-muturi fuq il-Honda biex temm dominja ta’ 18-il sena li…

Aktar