Motorsport
Dakar Rally: Il-ħolma ta’ Ricky Brabec tintilef fir-ramel tal-Peru

L-Awstraljan Ricky Brabec ra l-ħolma tiegħu tgħib fir-ramel meta problemi fil-makna tal-mutur tiegħu ġegħluh jirtira għat-tieni sena konsekuttiva. Min-naħa l-oħra, tmien stadju mill-aqwa għall-Awstraljan Toby Price li fuq il-KTM irnexxielu jirbaħ u qabeż liċ-Ċilen Pablo Quintanilla fil-klassifika ġenerali bi ftit aktar minn minuta. Dan it-tmien stadju kien fuq distanza ta’ 360 kilometru minn San Juan de Marcona sa Pisco.

It-tellieqa tal-muturi qiegħda kulma tmur issir waħda eċitanti ħafna, tant li fl-aħħar żewġ stadji għadu kollox miftuħ beraħ. Għal Brabec kienet ħolma oħra kerha, pjuttost ħmar il-lejl, għaliex sakemm kellu jirtira kien fil-quċċata tal-klassifika, bi kważi 8 minuti vantaġġ fuq l-avversarji tiegħu u kien qiegħed jittama li jsir l-ewwel Amerikan li jirbaħ id-Dakar Rally.

Fil-kategorija tal-karozzi, jidher li sakemm ma jinqalgħalu xejn fl-aħħar żewġ stadji, Nasser Al-Attiyah ser jirbaħ it-tielet Dakar Rally tal-karriera tiegħu meta fit-tmien stadju huwa fetaħ vantaġġ ta’ 46 minuta u 29 sekonda fuq il-kompetituri tiegħu. It-tmien stadju kiem mirbħu mill-Franċiż Sebastien Loeb, ir-raba’ stadju li rebaħ f’din l-edizzjoni, u b’hekk tela’ fit-tielet post tal-klassifika wara l-Ispanjol Nani Roma.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA
Aħbarijiet Oħra
Sports Internazzjonali

Rugby: Magħrufa l-ewwel żewġ semifinalisti tat-Tazza tad-Dinja tar-Rugby li qed issir fil-Ġappun. Fil-logħba li ntlagħbet f’Tokyo, New Zealand għelbu lill-Irlanda bl-iskor ta’ 46 b’14 sabiex qatgħu passaġġ għal mal-aħħar erbgħa….

Sports Internazzjonali

Super League Triathlon – Fl-ewwel ġurnata tas-Super League Triathlon li qed isir fi tmiem din il-ġimgħa f’Birgu u Bormla, kien Vincent Louis li għamel l-aħjar ħinijiet sabiex b’faċilita’ għadda għall-finali…

Motorsport

F’Valencia, fuq iċ-ċirkwit Ricardo Tormo, bdew it-testijiet fuq il-karozzi tal-Formula E. Jidher li l-istaġun 2019/20 mistenni li jkun l-aktar wieħed kompetittiv s’issa, bit-timijiet ta’ TAG Heuer Porsche FE u Mercedes-Benz…

Sports Internazzjonali

Ice Hockey: L-ex goalkeeper ta’ Chelsea, Arsenal u r-Repubblika Ċeka Petr Cech kien protagonista f’partita ice hockey li hu ddebutta fiha fir-raba’ diviżjoni bejn Guilford Phoenix u Swindon Wilcats 2…

Aktar