Motorsport
Dakar Rally: Nasser Al-Attiyah kważi ċert mill-kategorija tal-karozzi, filwaqt li kollox miftuħ beraħ fil-muturi

Nasser Al-Attiyah kważi huwa ċert 100% li ser jirbaħ l-edizzjoni tad-Dakar Rally ta’ din is-sena wara li fid-disa’ stadju, l-avversarju tiegħu Stéphane Peterhansel ra l-ħolma tiegħu ttir mar-riħ tad-deżert tal-Peru wara li kellu jirtira bi minħabba li l-co-driver tiegħu weġġa’ serjament. Dan wara li l-karozza li kienu fiha niżlet b’saħħitha ħafna minn fuq għolja bir-ramel, b’David Castera, li kien fil-karozza ma’ Peterhansel, jgħajjat bl-uġiegħ qawwi minħabba li weġġa’ dahru. Castera kien meħud l-isptar bil-ħelikopter.

Al-Attiyah rebaħ id-disa’ stadju quddiem l-Ispanjol Nani Roma, bit-tnejn li huma jinsabu fl-ewwel żewġ postijiet tal-klassifika. Sakemm Al-Attiyah itemm l-istadju tal-lum, allura hu jkun ir-rebbieħ tad-Dakar Rally, it-tielet waħda tal-karriera tiegħu, għaliex għandu vantaġġ komdu ħafna, ta’ aktar minn 51 minuta fuq Nani. Aktar minn hekk, għandu aktar minn sagħtejn vantaġġ fuq Sebastien Loeb li jinsab fit-tielet post.

Fil-kategorija tal-muturi, il-Franċiż Michael Metge rebaħ dan id-disa’ stadju, imma l-Awstraljan Toby Price baqa’ fuq quddiem fil-klassifika għalkemm spiċċa fil-ħames post fid-disa’ ġurnata. Fil-muturi t-taqtiegħa ser tibqa’ sal-aħħar, u l-istadju tal-lum ser ikun mill-aktar interessanti għaliex il-vantaġġ ta’ Price fuq Pablo Quintanilla u Matthias Walkner huwa verament żgħir u allura kollox għadu miftuħ beraħ f’din il-kategorija.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm Kontrattakk.
Aħbarijiet Oħra
Formula 1

Is-sewwieq tar-Renault, Nico Hulkenberg, kien l-aktar sewwieq veċoli fl-aħħar ġurnata ta’ testijiet fuq iċ-ċirkwit ta’ Katalunja fi Spanja, ftit tal-minuti qabel mal-karozza tiegħu waqfet għal kollox f’nofs it-track. Il-Ġermaniż għamel…

Sports Internazzjonali

In-tennista numru wieħed tad-dinja Naomi Osaka sfat mgħeluba mill-Franċiża Kristina Mladenovic fl-ewwel logħba tagħha fid-Dubai Duty Free Tennis Championships. Friska mir-rebħa fl-Open tal-Awstralja x-xahar li għadda, Osaka tilfet bil-punteġġ ta’…

Sports Internazzjonali

It-tennist numru wieħed Novak Djokovic u l-ġinnasta Amerikana Simone Biles kienu onorati bl-unur tal-isportivi tas-sena fis-serata tal-Laureus Awards. Għal Djokovic dan kien unur mistħoqq wara li sena ilu kellu jiġi…

Formula 1

“Meta tiġi iftħilha l-bieb,” jgħid il-qawl Malti u t-tim tal-Williams żgur li diġa’ qegħdin iħossu pressjoni kbira meta l-istaġun tal-Formula 1 fadallu inqas minn xahar sabiex jibda. Wara sena diżastruża…

Aktar