Motorsport
Dakar Rally: Sebastien Loeb jirbaħ it-tieni stadju

Id-disa’ darbiet ċampjin tar-rally Sebastien Loeb rebaħ it-tieni stadju tad-Dakar Rally fid-deżert tal-Peru lbieraħ. Loeb ma kienx daqstant sodisfatt bl-ewwel stadju, għaliex wara l-ewwel ġurnata kien fit-13-il post tal-klassifika, imma wara li rebaħ it-tieni stadju huwa spara fil-ħames post.

Giniel De Villiers tal-Afrika t’Isfel daħal fit-tieni post, biex b’hekk it-tim tat-Toyota baqa’ fuq quddiem u dan is-sewwieq bħalissa jinsab fuq quddiem. Fuq distanza ta’ 342 kilometru minn Pisco sa San Juan de Marcona, ir-rebbieħ tad-Dakar Rally tal-2009 De Villiers, jinsab 28 sekonda quddiem sieħbu tal-istess tim Bernhard ten Brinke, filwaqt li l-Ispanjol Nani Roma jinsab it-tielet bi 42 sekonda ‘l bogħod minn tal-ewwel.

Sebastien Loeb irnexxielu jispiċċa d-distanza minuta u 56 sekonda quddiem Nani Roma, biex b’hekk rebaħ il-11-il stadju fil-karriera tiegħu f’din ir-rally, filwaqt li Al-Attiyah tal-Qatar li rebaħ l-ewwel stadju, kien diżappuntat li fl-aħħar tat-tieni ġurnata waqa’ fit-tmien post tal-klassifika.

Fil-muturi, l-Ispanjol Joan Barreda Bort spiċċa l-ewwel fuq il-Honda u għandu 91 sekonda vantaġġ fuq l-Awstrijak Matthias Walkner li jsuq KTM.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA
Aħbarijiet Oħra
Sports Internazzjonali

Ċikliżmu: Bidu mill-isbaħ għall-Vuelta ta’ Spanja edizzjoni 2019. Il-Kolombjan Miguel Angel Lopez ingħata l-flokk ta’ leader wara li fl-ewwel stadju t-team tiegħu ta’ Astana rebaħ it-team time trial b’marġni ta’…

Sports Internazzjonali

Inkwiet għall-isprinter Amerikan Christian Coleman li qed ikun akkużat li naqas li jinforma lill-USADA l-aġenzija ta’ kontra doping fl-Istati Uniti dwar il-passi tiegħu fosthom fejn qed jittrenja u fejn qed…

Motorsport

Moto GP: Fil-Grand Prix ta’ Silverstone illum kien is-sewwieq fuq mutur Suzuki Alex Rins li għadda fl-aħħar metri liċ- Champion renjanti Marc Marquez sabiex rebaħ Grand Prix mill-isbaħ. Is-sewwieq Andrea…

Motorsport

Is-sewwieq mill-Estonja Ott Tanak rebaħ ir-Rally tal-Ġermanja sabiex għaqqad tliet suċċessi konsekuttivi bit-Toyota tiegħu. Is-sewwieq l-ieħor tat-team Toyota Kris Meeke tal-Irlanda ta’ Fuq u l-Finldandiż Jari-Matti Latvala spiċċaw fit-tieni u…

Aktar