Futbol internazzjonali
De Rossi jiskorja għal Boca Juniors fid-debutt
L-eks plejer internazzjonali Taljan Daniele De Rossi kellu debutt b’emozzjonijiet imħallta meta skorja għal Boca Juniors fit-telfa li kellhom fit-Tazza Arġentina kontra Almagro.
De Rossi, li beda sa mill-ewwel minuta għat-tim mill-belt ta’ Buenos Aires, fetaħ l-iskor għat-tim tiegħu fit-28 minuta għalkemm Almagro wettqu reazzjoni drammatika u ġabu l-iskor indaqs fit-82 minuta permezz ta’ Juan Manuel Martinez.
Il-logħba baqgħet ma żblukkatx ruħha sa tmiem il-partita sabiex kellha tmur għal-lotterija tal-penalties. Hawn Almagro kienu aktar tajbin mill-avversarji tagħhom meta rebħu bl-iskor ta’ 3-1. B’hekk Boca Juniors inqalgħu minn din il-kompetizzjoni.
Madwar 10,000 spettatur li kienu preżenti f’Estadio La Plata kellhom f’idejhom kartelluni b’wiċċ De Rossi li jidher bħala gladjatur lest għall-battalja.
F’kummenti li ta wara l-partita, De Rossi kien kuntent li skorja l-ewwel gowl tiegħu fl-Arġentina għalkemm mhux daqstant sodisfatt li t-tim inqala’ minn din il-kompetizzjoni.
De Rossi, li għandu 36 sena, ingħaqad ma’ Boca Juniors wara perjodu ta’ 18-il sena ma’ Roma.

 

Miktub minn...
robertbusuttil
Ġurnalist ta' TVM Sport. Isegwi l-Isport lokali u internazzjonali. JIkkumenta l-logħob tal-kampjonat Premier. Jippreżenta programm sportiv fuq radju tal-komunita'.
Aħbarijiet Oħra
Futbol internazzjonali

L-ex kowċ nazzjonali tan-Niġerja, Samson Siasia, ġie sospiż għal għomru mil-logħba tal-futbol wara li nstab ħati ta’ match-fixing. Fi stqarrija, il-FIFA qalet li Siasia nstab ħati mill-Kumitat tal-Etikà, li aċċetta…

Futbol internazzjonali

Il-plejer ta’ Barcelona, Philippe Coutinho, mistenni jiċċaqlaq u jmur sena b’self fil-Ġermanja ma’ Bayern Munich. Din l-aħbar ikkonfermawha ċ-champions Spanjoli stess. Ilbieraħ Coutinho vjaġġa mal-iskwadra f’Bilbao għall-ewwel partita tal-kampjonat li…

Futbol internazzjonali

Il-kowċ ta’ Barcelona Ernesto Valverde naqas milli jsejjaħ lill-plejer Ċilen Arturo Vidal għall-ewwel partita tal-kampjonat Spanjol li l-Katalani se jilagħbu kontra Athletic Bilbao. Dan jista’ jfisser li Vidal jinsab żgur…

Futbol internazzjonali

L-Akkwist il-ġdid ta’ Real Madrid Eden Hazard se jkollu jibqa’ barra mil-logħba inawgurali ta’ għada kontra Celta Vigo fil-La Liga Spanjola wara li weġġa’ t-tendon waqt is-sessjoni ta’ taħriġ ta’…

Aktar